Báiterek aýdanynda kolledj ǵimaraty opyrylyp tústi, dep habarlaidy "Ult aqparat".
BQO TJ departamentiniń baspasóz qyzmetinen túsken málimetke qaraǵanda, oqiǵa búgin saǵat 12.30-da Kalinin aýyly Kirov kóshesi 19-mekenjaiynda oryn aldy.
Zelenov kolledjiniń 1980 jyly salynyp, tozyǵy jetken úsh qabatty №5 korpýsynyń bir bóligi opyrylyp qulaǵan. Onyń aýmaǵy 80 sharshy metrdi qurady.
«Qurylyskonsalting» ulttyq ortalyǵy sarapshy komissiiasynyń 2015 jylǵy 28 tamyzdaǵy №41 qorytyndysyna sáikes atalǵan ǵimarat apatty jaǵdaida dep tanylyp, onda oqý toqtatylǵan bolatyn.
Oqiǵadan zardap shekkender joq.
«Qazirgi kezde ǵimaratty buzý úshin jobalyq-smetalyq qujattama jasalýda», dep habarlady departamenttiń baspasóz qyzmeti.
