Batys Qazaqstan oblysynda qarjy piramidasyn quryp, salymshylardan 76 mln teńge túsirgen áiel ustaldy, dep habarlaidy QazAqparat.
BQO boiynsha ekonomikalyq tergeý departamentiniń baspasóz qyzmeti málim etkenindei, qazirgi kezde A. degen áielge qatysty QR QK 217-babyna (qarjylyq (investitsiialyq) piramidany qurý jáne oǵan basshylyq etý) sáikes tergeý amaldary júrgizilýde.
Atalǵan áiel qarjy piramidasyn quryp, «Halyq bank» jáne «Kaspii bank» AQ-daǵy kartalyq esepshottaryna «Mebelnyi proekt Nýr» onlain jobasy arqyly jihaz oinatý jolymen jeke tulǵalardan qarjy jinaǵan. Jańa salymshylardy da tartyp otyrǵan.
Aldyn ala málimet boiynsha 2700-den astam salymshydan qarjy piramidasyna 76 mln 75 myń teńge túsirgen.
Qazirgi kezde kúdikti QR Qylmystyq is júrgizý kodeksi 128-babyna sáikes Oral qalasy politsiia basqarmasynyń ýaqytsha ustaý izoliatoryna qamaldy.
«Ádette jeke tulǵalardyń qarjy piramidasyna bergen salymdary eshteńemen qamtamasyz etilmegen. Tólemder jańa salymshylardy tartý jolymen júzege asyrylady. Qolda bar derekterge qaraǵanda, Qazaqstan aýmaǵynda osyndai jolmen birneshe sait qyzmet etedi. Olardyń uiymdastyrýshylary elden tysqary jerde ornalasqan. Eger qarjy piramidasyna aldansańyz, BQO boiynsha ekonomikalyq tergeý departamentiniń +7(7112)53-84-27 senim telefonyna habarlasýǵa bolady», dep habarlady vedomstvodan.
