Foto: videodan skrinshot
28 jeltoqsanda Batys Qazaqstan oblysynda «GAZel» júk kóligi resmi ótkelden tys jerde Shaǵan ózeninen ótpek bolyp, muz astyna túsip ketti, dep habarlaidy Ult.kz Halyqstan portalyna silteme jasap.
Politsiia departamentiniń baspasóz qyzmetiniń málimetinshe, oqiǵa saǵat 12:35 shamasynda Báiterek aýdanynda, Oktiabrskoe aýylynyń mańynda bolǵan. Júrgizýshi qala jaqtan úiine qaityp bara jatyp, ainalma jolmen júrmeý úshin ózendi muz ústimen kesip ótpek bolǵan. Alaida muz qabaty kóliktiń salmaǵyna shydamai, opyrylyp túsken.
Oqiǵa saldarynan zardap shekkender joq. Júrgizýshi der kezinde kólikten sekirip shyǵyp, aman qalǵan. Atalǵan derek boiynsha tekserý júrgizilip jatyr.
Tústen keiin oqiǵa ornyna qutqarýshylar jetip, súńgýirlerdiń kómegimen arqan ilinip, júk kóligi sýdan shyǵaryldy.
Tótenshe jaǵdailar departamenti óńirdegi sý aidyndaryndaǵy muzdyń áli de juqa ári qaýipti ekenin eske saldy. Qutqarýshylar turǵyndardy ruqsat etilmegen jerlerde muz ústine shyqpaýǵa jáne qaýipsizdik talaptaryn qatań saqtaýǵa shaqyrdy.
