Foto: facebook.com/berik.abdygaliuly
Ulytaý oblysynyń ákimi Berik Ábdiǵaliuly birqatar óńir ataýyn ózgertý týraly usynys bildirdi. Ol bul týraly "Ulytaý oblysynyń rýhani damýy" atty respýblikalyq ǵylymi-tájiribelik konferentsiiasynda aitty, - dep habarlaidy Massaget.kz portaly.
Óńir ákimi Ulytaý oblysyn alǵashynda Ortalyq Qazaqstan oblysy dep ataý týraly týraly usynystar da bolǵanyn aitty.
"Byltyr ǵana ashylǵan oblysymyzdyń Ulytaý bolyp atalýy elge erekshe rýh, qýat berdi. Bireý bilse, bireý bilmeidi. Jalpy oblystyń atyn buryn Ortalyq Qazaqstan oblysy dep ataiyq degen de usynystar bolǵan. Biraq osy joly sheshim qabyldanǵan kezde Memleket basshysy Qasym-Jomart Kemeluly Ulytaý oblysy degen ádiletti, tarihi sheshim qabyldady. Tek Ulytaý emes, Jetisý oblysy da, Abai oblysy da sondai qazaqtyń uly, qasietti jerlerine, uly tulǵalaryna arnalady. Bul da - rýhtandyratyn is-shara. Osy úrdisti bizge mindetti túrde jalǵastyrý kerek dep esepteimin. Óitkeni keńes kezinde ákimshilik atpen qoiylatyn dástúr bolǵan. Ókinishke qarai, áli kúnge deiin mundai oblystar bar. Solardy da qazaqtyń myńjyldyq tarihy bar, qasietti, kieli jerdiń uǵymymen berý jalǵasady dep esepteimin. Dál solai Batys Qazaqstan oblysy Aqjaiyq oblysy bolyp atalsa, Shyǵys Qazaqstan oblysy Altai oblysy bolyp atalsa, Soltústik Qazaqstan oblysy Qyzyljar oblysy, Pavlodar oblysy Baianaýyl bolyp atalsa, ár jerde bárine rýh beredi", - dedi ol.
Aita keteiik, Ulytaý oblysy byltyr 8 maýsymda qurylǵan edi. Ákimshilik ortalyǵy - Jezqazǵan qalasy.
