Muhtar Naýryzbaiuly Mankeev QR Prezidenti Ákimshiligi kelisimimen jáne BQO ákiminiń ókimimen oblys ákiminiń birinshi orynbasary bolyp taǵaiyndaldy, dep habarlaidy QazAqparat tilshisi.
Batys Qazaqstan oblysynyń ákimi Ǵali Esqaliev aktiv otyrysynda óziniń jańa orynbasaryn tanystyrdy. Oblys ákiminiń baspasóz qyzmetinen túsken málimetke qaraǵanda, M.N.Mankeev – 1984 jyly dúniege kelgen, bilimi joǵary, Jáńgir han atyndaǵy Batys Qazaqstan agrarlyq-tehnikalyq ýniversitetin «injener», «ekonomika», Finliandiia Respýblikasynda Oýlý ýniversitetin «biznes ákimshileý magistri» mamandyqtary boiynsha bitirgen.
Ár jyldary «Jasyl el» Batys Qazaqstan oblystyq filialy jetekshisi, «Jasyl el» respýblikalyq shtabynyń jetekshisi, «Samǵaý» ulttyq holdingi» AQ menedjeri, QR Indýstriia jáne jańa tehnologiialar ministrligi Injiniring jáne jańa tehnologiialar transferti ortalyǵynyń departament direktory, «Astana Innovations» AQ basqarýshy direktory – basqarma múshesi, Soltústik Qazaqstan oblysy ákiminiń orynbasary qyzmetterin atqardy. Kúni búginge deiin «Fin Biznes Haby» kompaniiasynyń direktory, «Qazaqstan 2050» jalpyulttyq qozǵalysy keńesiniń tóraǵasy boldy. Ol kásipkerlik, ónerkásip jáne investitsiialar, aýyl sharýashylyǵy, veterinariia, jer qatynastary, týrizm máselerine jetekshilik etetin bolady.
Sondai-aq «100 naqty qadam» – Ult josparynda kórsetilgen meritokratiia qaǵidasyna sáikes Serik Rahmetollauly Egizbaev QR Prezidenti Ákimshiligi kelisimimen jáne BQO ákiminiń ókimimen oblys ákiminiń orynbasary bolyp taǵaiyndaldy.
Oblys basshysy Ǵali Esqaliev aktiv otyrysynda óziniń jańa orynbasaryn tanystyrdy.
BQO ákiminiń baspasóz qyzmetinen túsken málimetke qaraǵanda, S.R.Egizbaev 1963 jyly dúniege kelgen.
Bilimi joǵary, Batys Qazaqstan aýyl sharýashylyǵy institýtyn «agronom», Qazaq memlekettik zań akademiiasyn «zańger» mamandyqtary jáne QR Prezidentiniń janyndaǵy Memlekettik qyzmet akademiiasyn bitirgen.
Ekonomika ǵylymdarynyń kandidaty.
Serik Rahmetollauly ár jyldary BQO ákimi apparaty bóliminiń bas inspektory, bólim meńgerýshisiniń orynbasary, QR Qarjy ministrligi departamentiniń bólim bastyǵy, QR Premer-Ministriniń keńsesi áleýmettik-mádeni damý bóliminiń bas inspektory, uiymdastyrý-inspektorlyq jáne aýmaqtyq damý bóliminiń bas inspektory boldy. Sondai-aq QR Prezidenti Ákimshiliginiń Memlekettik baqylaý jáne aýmaqtyq-uiymdastyrý jumysy bóliminiń memlekettik inspektory, bólim meńgerýshisiniń orynbasary, QR aýyl sharýashylyǵynyń vitse-ministri qyzmetin atqardy.
Kúni búginge deiin «Qazaqstan» RTRK» AQ basqarma tóraǵasynyń orynbasary boldy.
S.R.Egizbaev ishki saiasat, bilim, jastar saiasaty, mádeniet, din isteri, tilderdi damytý salalaryna jetekshilik etetin bolady.
Eske sala keteiik, budan buryn BQO ákiminiń birinshi orynbasary taǵaiyndalǵanyn jazǵan bolatynbyz.
