QR Densaýlyq saqtaý birinshi vitse-ministri Marat Shoranov revaktsinatsiia máselesi qatysty sheshim nege keshigip jatqanyn túsindirdi, dep habarlaidy "Ult aqparat".
«Memleket basshysy da aralyq vaktsinalaýǵa, iaǵni, qaitalap vaktsinalaýǵa qajet kólem daiyndaýdy tapsyrǵan bolatyn. Biz vaktsinany daiyndaǵan taraptardyń bárimen tiisti jumys júrgizip jatyrmyz. Vaktsinany ázirlegenderge, Dúniejúzilik densaýlyq saqtaý uiymyna revaktsinatsiia boiynsha vaktsinanyń túri men tipine bailanysty naqty ustanymdaryn surap, tiisti saýaldar joldadyq. Qazir álemde revaktsinatsiiaǵa júgingen elder bar. Biraq, ókinishke qarai, bul máselede biryńǵai talap nemese tásil joq. Damyǵan elderdiń bir qatary byltyr qarasha aiynda vaktsinany bastap ketken edi. Olar vaktsinatsiia tsiklinde 10 aidan astam ýaqyt júr. Osy ýaqyt ishinde ujymdyq immýnitet túskendikten revaktsinatsiia máselesi ózekti bolyp tur», - degen vitse-ministr Qazaqstanda vaktsinalaýdyń qarqyn kezeńi mamyr men tamyz aiylaryna kelgenin eske saldy.
«Bizdiń jaǵdaiymyzda vaktsinatsiia aqpan aiynda bastaldy. Vaktsina alǵandardyń negizgi bóligi mamyrdyń sońy men tamyz aiynda ekpe qabyldady. Osy kezeńde 4,5-5 mln adam vaktsina alǵan. Bizdiń ujymdyq immýnitetimiz, vaktsinanyń immýniteti ázirge turaqty. Oǵan qazir eldegi epidemiologiialyq jaǵdaidyń turaqtana bastaǵany dálel», - dedi vedomstvo ókili.
Onyń aitýyna qaraǵanda. Densaýlyq saqtaý ministrligi jýyq arada búkil óndirýshilermen bul máseleni pysyqtap, tiisti málimdeme jasamaqshy.
«Esterińizde bolsa, vaktsinatsiia bastalǵan kezde óndirýshilerden túrli aqparattar túsken edi. Iaǵni, vaktsinanyń immýniteti onyń túri men tipine qarai 1 jyldan 2 jylǵa deiin saqtalatyny aitylǵan bolatyn. Bul aqparat resmi jariialanǵan edi. Vaktsinatsiia bastalǵan kezde vaktsinanyń immýniteti, ujymdyq immýnitet qansha ýaqytqa sozylatynyn boljaý qiyn bolǵanyn eskerip, qazir osy máseleni jumys tobynda qarastyryp jatyrmyz. Qaita vaktsina alýǵa niettiler bar ekenin bilemiz», - dedi Marat Shoranov.
