Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty Dáriger uzaq ómir súrýdiń el bilmeitin taǵy bir qupiiasyn ashty Dáriger uzaq ómir súrýdiń el bilmeitin taǵy bir qupiiasyn ashty
Qoǵam

"Bizde esirtki barondary joq, barlyǵy Telegramda" - Turǵymbaev

Ult portaly
"Bizde esirtki barondary joq, barlyǵy Telegramda" - Turǵymbaev

Foto:polisia.kz

Ishki ister ministri Erlan Turǵymbaev Qazaqstandaǵy sintetikalyq esirtkige qarsy kúres týraly pikir bildirdi, - dep habarlaidy Tengrinews.kz tilshisi.

Májilistegi Úkimet saǵatynda ministrden esirtki qylmysyna qarsy kúres jáne nashaqorlyqtyń aldyn alý boiynsha qandai sharalar qabyldanyp jatqany týraly suraldy.

"Nelikten esirtkini uiymdastyrýshylardan, óndirýshilerden jáne satýshylardan bastap uiymdasqan qylmysty anyqtaý jáne jolyn kesý derekteri joq? Servistik politsiiany engizý aiasynda IIM jáne basqa da memlekettik organdar nashaqorlyqqa, esirtki qylmysyna qarsy kúreste qoǵammen ózara is-qimyldyń qandai ádisterin júzege asyrady",- dep surady depýtat Osin.

Ishki ister ministriniń aitýynsha, IIM 13 tonna esirtki tárkilegen.

"Búgingi tańda IIM 13 tonna esirtki tárkiledi. Munda ósý týraly aitý múmkin emes, anyqtaý týraly aitý kerek. Iaǵni statistikany rettei alamyz. Mysaly, men ministr retinde anyqtaý úshin tapsyrma bermesem, bizde statistika tómendeidi, bári jaqsy bolyp kórinedi", - dep atap ótti ministr.

Sonymen qatar, IIM basshysy sintetikalyq esirtki "jaman nárse" ekenin aitty.

"Buǵan alǵash ret tap boldyq. "Sintetika" jyl saiyn ózgerip otyrady. Men jyl saiyn jańa sintetikalyq esirtki týraly ózgerister engizý týraly Úkimet qaýlysyna usynystar engizetinimizdi aittym", - dedi Erlan Turǵymbaev.

Onyń aitýynsha, densaýlyq saqtaý ministrligimen birlesip zerthanalyq zertteýler júrgizilip jatyr.

"Jańa sintetikalyq túrler tyiym salynǵan tizimge engiziledi, ol úshin qylmystyq jaýapkershilik qarastyrylǵan. Qazir bizde esirtki barondary, satýshylar men satyp alýshylar joq. Barlyǵy Telegram arqyly jelide internetke ketti. Telegram-chattar Qazaqstannan tys jerlerde ornalasady", - dep habarlady Turǵymbaev.

Ol bul másele ishki ister ministrleri keńesinde talqylanǵanyn atap ótti.

"Esirtki satýshylar boiynsha aqparat almasýdyń biryńǵai algoritmi týraly sheshim qabyldandy. Óitkeni qazir qolda aqsha joq, qazir bári bitkoinderde, elektrondy túrde. Esirtki satýshylar basqa memleketterdiń aýmaǵynda jumys istep jatyr. Munda taratatyndar bar, biraq satýshylar elden tys jerde", - dep tolyqtyrdy ministr.

Oqi otyryńyz