Foto: Qaraǵandy oblysy ákimdiginiń baspasóz qyzmeti
Sý tasqynynan zardap shekken Shet aýdanynyń turǵyndaryna úiler satyp alyndy. Baspanasy qyzyl sý basyp, jaramsyz bolyp qalǵan bes otbasy ózderine úi tańdady. Olar biýdjet qarajaty esebinen satyp alyndy. Aldaǵy kúnderi taǵy bir otbasyna jańa úi salyna bastaidy. Olardyń aýylynda satylatyn úi bolmaǵandyqtan jańasyn salý týraly sheshim qabyldandy.
Apatty dep tanylmaǵan basqa 54 úide jóndeý jumystary júrgiziledi. Turǵyndar osy maqsattar úshin ótemaqy alyp, máseleni óz betinshe sheshýge niet bildirdi.
Krasnaia Poliana aýylynyń turǵyny Aqmaral Mýsina óz otbasy úshin qolaily úi tańdady. Kóp balaly ana máseleniń tez arada sheshilgeni úshin alǵysyn aitty.
– Biz ótemaqy men materialdyq kómek aldyq. Úidi ózimiz tańdadyq. Ákimdik unaǵan úidiń bireýin satyp alyp beremiz dedi. Aita keteiin, múliktik ótemaqy men turǵyn úidi biz óte tez – bir apta ishinde aldyq, – deidi Aqmaral Mýsina.
Stadnichenko otbasy úshin de Krasnaia Poliana aýylynan úi satyp alyndy. Nadejda Stadnichenko – kóp balaly ana, otbasym panasyz qalmaǵanyna qýanyshtymyn deidi.
– 30 naýryz kúni tańerteń úide sý kire bastady, – deidi aýyl turǵyny. – Tehnikadan biz tek tońazytqysh pen peshti alyp úlgerdik, qalǵanynyń bári jaramsyz bolyp qaldy. Bir-eki kún qurbymnyń úiinde turdyq. Qazir biz jóndeýden ótken 2 bólmeli úi aldyq. Úlken zaly bar, dárethana men jýynatyn bólme, ortalyq sý qubyry, monsha, kómir bar. Aýlasynda biz baqsha salýdy josparlap otyrmyz. Sondai-aq, materialdyq kómek pen búlingen múlik úshin ótemaqy aldyq. Qazir biz týystarymyzda turamyz, biraq jańa úige kóshemiz. Barlyǵy tez sheshilgenine óte qýanyshtymyn.
Sondai-aq, Shet aýdanynda sý tasqynynan zardap shekkenderge 100 AEK mólsherinde birjolǵy áleýmettik kómek jáne búlingen múlik úshin ótemaqy tólendi.
Qyrylǵan mal shyǵyny óteldi. Ólgen mal barlyq veterinariialyq-sanitariialyq normalardy saqtai otyryp joiyldy.
– Biz sý tasqyny kezinde bes siyr men bir qulynnan aiyryldyq, – deidi Aqsý aýylynyń turǵyny Aijan Qashkenbaeva. – Jaqynda mal aldyq. Sondai-aq bizge generator, teledidar ákelindi. Bizde aǵash óńdeitin tehnikamyz, muzdatqyshymyz buzyldy. Bul zalal bizge tolyǵymen óteldi.
Sý basqan eldi mekenderde qudyqtar men uńǵymalardy túgendeý júrgiziledi. Aptanyń sońyna deiin dezinfektsiialyq jumystar atqarylady.
Kentishilik joldardy qalpyna keltirý jalǵasýda.
