Almatynyń bas sanitar dárigeri Jandarbek Bekshin qala turǵyndaryn karantin rejimin buzbaýǵa shaqyrdy, dep habarlaidy "Ult aqparat".
«Biz qazir buǵan deiin aitylǵan epidahýaldyń sharyqtaý sheginde turmyz. Osyǵan deiin 3-4 tamyzda táýligine aýrýdyń 1 600 jaǵdaiy kútiledi degenbiz. Osy aptada 1 558, 1 570 jaǵdai anyqtaldy, boljam is júzinde sáikes keldi. Biz odan ári ósimdi boldyrmaýǵa tyrysamyz, degenmen bizdiń boljamymyz shilde aiynyń sońynda mynadai boldy: tamyzdyń ortasynda 1 900 jaǵdaiǵa deiin kútiledi degenbiz. Eger eshteńe jasamasaq, ósim odan da kóp bolýy múmkin», - dedi ol.
Bas sanitar qala turǵyndaryn shekteý sharalaryn saqtaýǵa, tártipti ustanýǵa jáne tósek oryndardyń tolýyna jol bermeýge shaqyrdy.
Onyń aitýynsha, sońǵy aptada Almatyda kúnine aýrý juqtyrý deńgeii 1,6 myńǵa jýyq jaǵdaiǵa turaqtanyp, KVI boiynsha epidemiologiialyq jaǵdai nasharlaǵan. 28 shildeden bastap KVI-diń táýliktik tirkelýi 1,5 myńnan asyp, shilde aiynda 25 544 jáne biylǵy jyldyń basynan 89 035 jaǵdaidy qurady.
«Almatyda COVID-19-dyń britandyq nusqasynan týyndaǵan epidemiianyń úshinshi tolqyny 8-20 maýsym aralyǵynda (plato 11 kún) turaqtalǵan soń jáne 20 shildeden keiin «delta» shtamynyń taralýynan keiin 25 kúni epidemiianyń tórtinshi tolqyny bastaldy, onyń sharyqtaý shegi is júzinde biylǵy jyldyń 30 shildesinen bastalady, táýligine shamamen 1,5 - 1,6 myń jaǵdai tirkelip otyrdy. Tamyz aiynyń sońyna qarai aýrý tómendep, KVI jaǵdailaryn aptalyq tirkeý 12 myń jaǵdaiǵa deiin ósedi dep boljanýda», - dedi Bekshin.
