«Nur Otan» partiiasy Tóraǵasynyń birinshi orynbasary Baýyrjan Baibek «Biz birgemiz!» aktsiiasy aiasynda qansha adamǵa kómek kórsetilgenin aitty, dep habarlaidy "Ult aqparat".
«Memleket basshysynyń bastamasymen qolǵa alynǵan «Biz birgemiz!» respýblikalyq aktsiiasy aiasynda Elbasynyń tapsyrmasy boiynsha «Nur Otan» partiiasy men Tuńǵysh Prezident Qory koronavirýs kezeńinde halyqtyń áleýmettik álsiz toptaryna qoldaý kórsetý úshin qarajat bóldi. Tek sońǵy 6 kúnde búkil el kóleminde 11 600-den astam otbasyǵa 214 mln. teńgege kómek kórsetildi», – dep jazdy Baýyrjan Baibek Facebook-tegi paraqshasynda .
Sonymen qatar, ol «Jas Otan» volonterlary men belsendi nurotandyqtarǵa alǵysyn bildirdi.
«Jalǵyz basty qarttarǵa, turmysy tómen kópbalaly otbasylarǵa, erekshe qajettilikteri bar azamattar men basqa da muqtaj jandarǵa áleýmettik paketterdi bailanyssyz úlestirip berýge erikti túrde atsalysyp júrgen «Jas Otan» volonterlary men belsendi nurotandyqtarǵa alǵys aitamyn», – dedi ol.
