Biz - elordanyń barsha turǵyndary astanalyq bolyp qala beremiz. Bul - qalyptasqan termin. Astana ákimi Baqyt Sultanov áleýmettik jelide osylai dep málimdedi, dep habarlaidy "Ult aqparat".
«Qazaqstannyń Tuńǵysh Prezidenti N.Á. Nazarbaev aldaǵy 10 jyl elimizdi damyǵan 30 memlekettiń qataryna qosýdaǵy sheshýshi kezeń bolatynyn aitty. Prezident Qasym-Jomart Toqaev negizgi basymdyq - turǵyndardyń ómir súrý deńgeiin kóterý jáne áleýmettik jaǵdaiyn jaqsartý ekenin atap kórsetti. Búgin biz damýdyń jańa kezeńine qadam bastyq. Otanymyzdyń elordasy endi zamanaýi Qazaqstannyń negizin qalaýshynyń esimimen atalatyn bolady. Prezidenttiń bastamasymen bizdiń qala Nur-Sultan dep ózgertilmek. Bul bastama Uly dala elin qurý ideiasyn iske asyrǵany, elorda úshin etken eńbekteri úshin Tuńǵysh Prezidentke alǵys bildirip, qurmet kórsetý maqsatynda iske asyrylýda», - dedi ákim.
Odan bólek Baqyt Sultanov elorda turǵyndary ózderin qalai ataitynyna da qatysy pikir bildirdi.
«Sonymen qatar biz, elorda turǵyndary - astanalyq bolyp qala beremiz. Bul qalyptasqan termin. Jańa dáýirdiń bastamasy bolǵan Naýryz meiramy ár otbasyna qýanysh pen gúldený alyp kelsin! Sizderge jáne jaqyndaryńyzǵa densaýlyq, baqyt jáne qut-bereke tileimin!» - dedi elorda basshysy.
