sýret ashyq derekkózden alyndy
Qazaqstan musylmandary Dini basqarmasy 2023 jylǵy oraza jáne namaz kestesin jariialady, - dep habarlaidy "Ult aqparat" muftyat.kz saityna silteme jasap.
Aita keteiik, búgin QMDB tóraǵasy, Bas múfti Naýryzbai qajy Taǵanuly Ramazan aiyna orai BAQ ókilderiniń qatysýymen ótken baspasóz máslihatynda musylman úmmeti úshin ulyq sanalatyn Ramazan aiy jaily baiandap, jýrnalisterdiń suraǵyna jaýap berdi.
«Biz Ortalyq Aziia elderiniń múftilerimen, ondaǵy pátýa salasyna jaýapty ǵalymdarmen aqyldasa kele jáne ǵylymi zertteýler nátijesin eskerip, ortaq sheshim qabyldadyq. Alla qalasa, biyl ramazan aiy 23 naýryzda bastalady. Al sáýir aiynyń 17-nen 18-ne qaraǵan tún – qasietti Qadir túni. 21 sáýir – oraza ait merekesi» - dedi Naýryzbai qajy Taǵanuly.
Sondai-aq, ol biylǵy pitir sadaqasynyń mólsherin aitty.
«Biyl pitir mólsheri 535 teńge bolyp belgilendi. Pitir sadaqanyń mólsheri elimiz boiynsha 2 keli unnyń ortasha baǵasymen esepteldi. Al unnyń baǵasy QMDB-nyń qala jáne oblys ókildikteriniń bergen málimeti negizinde anyqtaldy. Pitir sadaqasyn qurma, meiiz baǵasymen de berýge bolady» - dedi QMDB tóraǵasy.
Ózge óńirlerdegi oraza jáne namaz ýaqyttaryn QMDB saitynan júktep alýǵa bolady.
