Qazgidromet Qazaqstan aýmaǵy boiynsha 2026 jylǵy jaz mezgiline arnalǵan aýa raiy boljamyn usyndy, dep habarlaidy ult.kz.
Jaz mezgili – aýa temperatýrasy joǵarylap, atmosferalyq belsendilik kúsheietin kezeń. Bul ýaqytta aptap ystyq, ótkinshi jaýyn-shashyn, nóser, naizaǵai, burshaq jáne ekpindi jel jii bolady.
Konsýltativtik boljamǵa sáikes, maýsym aiynda respýblikanyń basym bóliginde aýanyń ortasha ailyq temperatýrasy normadan 1-2°S joǵary bolady dep kútiledi. Shyǵys óńirlerde jáne eldiń qiyr soltústik-batysynda temperatýra klimattyq norma shamasynda bolady. Norma kórsetkishteri: Qazaqstannyń basym bóliginde +18...+23°S, eldiń ońtústik-batys jartysynda +24...+28°S, al ońtústik-shyǵys pen shyǵystaǵy taýly aýdandarda +7...+17°S bolady.
Kúndiz aýa temperatýrasy +30...+38°S-tan +15...+20°S-qa deiin qubylyp otyrady. Sonymen qatar, respýblikanyń ońtústik jartysynda kei kúnderi aýa temperatýrasy +40...+45°S-qa deiin jetýi múmkin. Aptap ystyq kúnder salqyndaý kúndermen almasyp, nóser jańbyr, naizaǵai, burshaq jáne daýyldy jel kútiledi.
Maýsymnyń alǵashqy onkúndiginde respýblikanyń soltústigi men shyǵysynda, sondai-aq ońtústik-shyǵystaǵy taýly aimaqtarda túngi jáne tańǵy ýaqytta úsik júrýi múmkin.
Shilde – jazdyń eń ystyq kezeńi. Bul aida aýa temperatýrasy klimattyq norma shamasynda bolyp, ortasha ystyq bolady dep boljanyp otyr. Norma kórsetkishteri: Qazaqstannyń basym bóliginde +18...+24°S, ońtústik jartysynda +25...+30°S, ońtústik-shyǵys pen shyǵystyń taýly aýdandarynda +9...+17°S bolady.
Jazdyń sońǵy aiy – tamyzda da eldiń basym bóliginde ystyq aýa raiy kútiledi. Aýa temperatýrasy normadan 1-2°S joǵary bolady. Tek respýblikanyń ońtústik-shyǵys bóliginde temperatýra norma shamasynda saqtalady. Norma kórsetkishteri: Qazaqstannyń basym bóliginde +20...+28°S, soltústik-shyǵys jartysynda +16...+19°S, shyǵys jáne ońtústik-shyǵystaǵy taýly aýdandarda +11...+15°S.
Jaýyn-shashynǵa kelsek, jalpy jaz mezgilinde respýblikanyń kóp bóliginde jaýyn-shashyn mólsheri ortasha deńgeide bolady dep kútiledi. Normadan az jaýyn-shashyn:
• maýsym aiynda eldiń ońtústik-batysynda, soltústik pen ortalyqtyń jekelegen aýdandarynda kútiledi. Norma: Qazaqstannyń basym bóliginde 25-49 mm, ońtústik-batys jartysynda 1,7-24 mm, soltústiktiń jekelegen jáne ońtústik-shyǵys pen shyǵystyń taýly aýdandarynda 51-155 mm bolady;
• shilde aiynda batys, ońtústik-batys, ońtústik jáne ońtústik-shyǵys óńirlerde kútiledi. Norma: Qazaqstannyń basym bóliginde 25-49 mm, ońtústik-batys jartysynda 1,4-24 mm, soltústik-batys, soltústik, ortalyq jáne shyǵystyń jekelegen aýdandarynda, sondai-aq ońtústik-shyǵys pen shyǵystyń taýly aimaqtarynda 50-84 mm;
• tamyz aiynda ońtústik-batysta, ortalyqta, sondai-aq ońtústik pen shyǵystyń kei aýdandarynda kútiledi. Norma: Qazaqstannyń basym bóliginde 1-24 mm, soltústikte, soltústik-batystyń, shyǵys pen ońtústik-shyǵystyń basym bóliginde 25-49 mm, al soltústik, shyǵys jáne ońtústik-shyǵystyń jekelegen aýdandarynda 50-63 mm.
