Sýret: QR Úkimeti
Memleket shegirtke dernásilderin baqylaý úshin fitosanitarlyq qyzmetke kómekke arnaiy drondar satyp alady. Sondai-aq egistikti óńdeýge arnalǵan drondardy satyp alýdy sýbsidiialaý múmkindigi qarastyrylady.
Astanada 23 mamyr kúni vitse-premer Serik Jumanǵarin shegirtkege qarsy kúres jónindegi jedel shtabtyń ekinshi otyrysyn ótkizdi.
Qazirgi ýaqytta barlyq óńirlerde oblys ákimderi orynbasarlarynyń basshylyǵymen jedel jumys úshin jergilikti deńgeidegi shtabtar quryldy.
Boljamdar ózgergen joq, óńdeýge bekitilgen aýmaq 2,5 mln ga kóleminde qalyp otyr.
Eń úlken aýmaq — Aqtóbe (784,4 myń ga) jáne Qostanai (775,6 myń ga) oblystarynda.
Bul aýmaqty shegirtkeniń italialyq prýs túrinen tazartý qajet.
Shyǵys, soltústik jáne ortalyq aimaqtardaǵy sýyq aýa raiyna bailanysty shegirtke dernásilderiniń jappai kóbeiýi men damýy kesheýildep tur.
Óńdeý jumystary Aqtóbe (10,8 myń ga), Almaty (0,2 myń ga), Atyraý (0,8 myń ga), Jambyl (5,1 myń ga), Jetisý (0,7 myń ga), Batys Qazaqstan (0,6 myń ga) oblystarynda bastaldy.
Túrkistan jáne Jambyl oblystarynda taralǵan marokko shegirtkesine qarsy óńdeý jumystary aiaqtaldy.
Túrkistanda tazartý 255,3 myń ga-ǵa nemese 94%-ǵa júrgizildi, Jambylda — 9,7 myń ga nemese 99,5% jer óńdeldi.
Shegirtkelerdiń taralýynyń úlken aýqymyn, qol jetpeitin jerlerde jumys isteýdiń kúrdeliligin jáne dernásilderdiń naqty ornalasqan jerin bilýdiń mańyzyn eskere otyryp, Aýyl sharýashylyǵy ministrligi shegirtkelerdi baqylaý jáne naqty fitosanitarlyq kartalardy jasaý úshin AÓK-degi Memlekettik inspektsiia komitetiniń aýmaqtyq inspektsiialaryna dron satyp alady.
«Drondar shegirtkege qarsy kúreste tiimdiligin kórsetedi. Dernásilderdiń belsendi ósý merziminiń qysqa kezeńinde mundai aýmaqtardy dástúrli túrde — jaiaý nemese mashinalarmen óńdep shyǵý óte qiyn. Tolyq óńdelmei qalý yqtimaldyǵy joǵary. Aýyl sharýashylyǵy, ónerkásip jáne qurylys ministrlikteri egistikterdi ziiankesterden óńdeý úshin drondardy investitsiialyq sýbsidiialaý máselesin pysyqtaýy qajet», — dep qorytyndylady jedel shtab otyrysyn Serik Jumanǵarin.
