Biyl politsiianyń qyzmettik bólmelerine jappai kamera ornatylady. Bul týraly Májilistegi Úkimet saǵatynda QR Ishki ister ministri Erlan Turǵymbaev aitty, dep habarlaidy QazAqparat.
«Politsiianyń qyzmettik bólmelerinde jáne penitentsiarlyq mekemelerde jappai beinebaqylaý engizilýde. Ishki ister organdarynda jyldyń sońyna deiin 15,5 myń kamera jáne penitentsiarlyq mekemelerde 33 myń kamera ornatylady», - dedi Erlan Turǵymbaev.
Ministr Ishki ister organdarynda úlken ózgerister jalǵasyp jatqanyn atap ótti.
«Onyń nátijeleri týraly aitý ázirge erte. Osyndai qadamdardy iske asyrý úshin zańǵa tiisti ózgerister qajet. Biz birlesken jumys úshin ashyqpyz. Sizderdiń usynystaryńyz ben eskertýlerińiz reformany sapaly júrgizýge kómektesedi dep senemin», - dep túiindedi sózin ol.
