2021 jylǵy qańtar-shilde ailary aralyǵynda respýblikalyq biýdjetten múgedektigi boiynsha memlekettik áleýmettik járdemaqy tóleýge 180,5 mlrd teńge, asyraýshysynan aiyrylý jaǵdaiyna memlekettik áleýmettik járdemaqy tóleýge 47,8 mlrd teńge baǵyttaldy, dep habarlaidy "Ult aqparat".
QR Eńbek jáne halyqty elýmettik qorǵaý ministrligi 2021 jyldyń shilde aiynda respýblikalyq biýdjetten múgedektigi boiynsha memlekettik áleýmettik járdemaqy tóleýge 26,1 mlrd teńge, asyraýshysynan aiyrylý jaǵdaiy boiynsha memlekettik áleýmettik járdemaqy tóleýge 6,5 mlrd teńge jumsaldy.
2021 jylǵy 1 tamyzdaǵy jaǵdai boiynsha múgedektigi boiynsha memlekettik áleýmettik járdemaqy alýshylardyń sany 526,1 myń adamdy, asyraýshysynan aiyrylý jaǵdaiy boiynsha 160,9 myń adamdy quraidy.
Múgedektik jáne asyraýshysynan aiyrylý jaǵdaiy boiynsha memlekettik áleýmettik járdemaqylardyń mólsheri múgedektiktiń tobyna jáne sebebine, qaitys bolǵan (qaza tapqan) asyraýshynyń asyraýyndaǵy adamdar sanyna, sondai-aq tiisti qarjy jylyna arnalǵan «Respýblikalyq biýdjet týraly» zańynda belgilenetin eń tómen kúnkóris deńgeiiniń shamasyna bailanysty bolady.
2021 jylǵy 1 tamyzdaǵy jaǵdai boiynsha múgedektigi boiynsha memlekettik áleýmettik járdemaqynyń ortasha mólsheri 49 556 teńgeni, asyraýshydan aiyrylý jaǵdaiy boiynsha memlekettik áleýmettik járdemaqynyń ortasha mólsheri 40 606 teńgeni qurady.
