Jyl basynan beri memlekettik eńbek inspektorlary 16,9 myńnan astam jumyskerdiń quqyǵyn qorǵady, dep habarlaidy "Ult aqparat" QR Eńbek jáne halyqty áleýmettik qorǵaý ministrliginiń baspasóz qyzmetine silteme jasap.
Aǵymdaǵy jylǵy 1 tamyzdaǵy jaǵdai boiynsha Memlekettik eńbek inspektorlary respýblikanyń 632 kásipornynda 17,7 myń jumyskerdiń aldynda 3,9 mlrd teńgeden astam somaǵa jalaqy boiynsha bereshekti anyqtady.
Osy kásiporyndardyń basshylaryna oryndalýy mindetti 675 nusqama berilip, 77,4 mln teńgeden astam somaǵa aiyppul salyndy.
Qabyldanǵan sharalar, sonyń ishinde jalaqy boiynsha bereshekti óteýdiń qatań kesteleri men merzimderin belgileý nátijesinde 16,9 myńnan astam jumyskerdiń quqyqtary qorǵaldy. Olarǵa 3,8 mlrd teńge tólendi.
