Biyl Nur-Sultan qalasynyń týǵan kúnine arnalǵan merekelik is-sharalardyń biýdjeti úsh esege qysqarady. Bul týraly Ortalyq kommýnikatsiialar qyzmetinde ótken baspasóz májilisinde qala ákiminiń orynbasary Erlan Kanalimov aitty, – dep habarlaidy Baq.kz.
«6 shildede el astanasy týǵan kúnin atap ótedi. Árine, áleýmettik jelide Arystaǵy jarylysqa bailanysty qala kúnin nege biyl qoia turmai ma dep jazyp jatqanyn bilemin. Biraq 20 jyl toilap kelip, 21 jyldyǵyn atap ótpei qalýymyz durys emes dep oilaimyn. Elordanyń týǵan kúninde demalys beriledi, bul kópshilik úshin mereke. Alaida, osy joly merekelik is-sharalardyń sany qysqardy. Buryn 300-den astam is-shara uiymdastyrylyp júrse, biyl úsh esege azaidy» deidi Ermek Kanalimov.
Onyń aitýynsha, Nur-Sultan qalasynyń týǵan kúnin merekeleý aiasynda 100-ge jýyq is-shara uiymdastyrylady. Onyń 73-i tegin.
«Biylǵy jyly shyǵystardy ońtailandyrý maqsatynda Qazaqstan men Resei juldyzdary qatysýymen ótetin Open Air siiaqty kontsertter ótpeidi. Esesine, ashyq aspan astyndaǵy shaǵyn kontsertter men sporttyq saiystar uiymdastyrylady. Merekelik baǵdarlamanyń airyqsha erekshiligi onyń poliortalyqtandyrylýy jáne buqaralyq aýditoriiaǵa baǵyttalýy. Biylǵy jyly is-sharalardyń basty alańy qala shetindegi 8 saiabaq, parkter, alańdar, býlvarlar jáne Esil ózeniniń jaǵalaýy bolmaq. Iaǵni, qalanyń ortalyq bóligindegi jappai keptelisten aýlaq bolýǵa jáne qoǵamdyq qaýipsizdikti qamtamasyz etýge barynsha shoǵyrlanýǵa múmkindik bermek» deidi qala ákiminiń orynbasary.
