Biyl elimizde 8 662 órt tirkeldi. Bul týraly Májilistegi azamattyq qorǵaý júiesine qatysty Úkimet saǵatynda Tótenshe jaǵdailar ministri Iýrii Ilin málim etti, dep habarlaidy QazAqparat.
«Eldegi tótenshe jaǵdailar men oqiǵalardyń basym kópshiligi- órtter (turmystyq, óndiristik, orman dala). Bul óz kezeginde adamdardyń ómirine jáne el ekonomikasynyń damýyna qaýip tóndiredi, sondai-aq bolyp jatqan barlyq tótenshe jaǵdaidyń 89%-yn quraidy. Qabyldanǵan sharalarǵa jáne sońǵy jyldary olardyń tómendeý úrdisine qaramastan, órtterdiń sany áli de eleýli bolyp qalýda. Biyl 8 662 órt tirkeldi, onda 335 adam zardap shekti, 280 adam qaza tapty. Órt kezindegi ólim sebepteri: joǵary temperatýra-83, janý ónimderiniń áserinen-176, gaz jarylystarynan-13, qurylys konstrýktsiialarynyń qulaýynan- 3», - dedi Ilin.
Onyń aitýynsha, órtterdiń kópshiligi qalalar men iri eldi mekenderge tiesili, olarǵa búginde tek 416 órt sóndirý deposy qyzmet kórsetedi. Olardyń jartysy 50-70-shi jyldary salynǵan, 271 ǵimarat beiimdelgen, al 23-i jalǵa alynǵan ǵimarattarda ornalasqan, 20 ǵimarat avariialyq jaǵdaida.
«Qalalar men eldi mekenderdi tiisti órtke qarsy qorǵaýdy uiymdastyrý úshin (5 myń jáne odan da kóp halqy bar) birinshi kezektegi tártippen 127 órt sóndirý deposynyń qosymsha qurylysy talap etiledi (sonyń ishinde 65 - qalalyq jerlerde, 62 - aýyldy eldi mekenderde)», - dedi ministr.
