Jyl basynan beri ana men balany qoldaý maqsatynda MÁSQ-tan 130 mlrd teńgeden astam qarajat tólendi. Bul týraly Eńbek ministrligi habarlady.
Aǵymdaǵy jyldyń 6 aiynda Memlekettik áleýmettik saqtandyrý qorynan ana men balany qoldaý úshin 130,4 mlrd teńge somasyna áleýmettik tólemder júzege asyryldy.
Júktilikke jáne bosanýǵa, jańa týǵan balany (balalardy) asyrap alýǵa bailanysty tabystan aiyrylý jaǵdaiyna MÁSQ-tan tólenetin áleýmettik tólem áleýmettik saqtandyrý júiesine qatysatyn jumys isteitin áielderge júktilik jáne bosaný boiynsha ýaqytsha eńbekke jaramsyzdyq paraǵy (budan ári – eńbekke jaramsyzdyq paraǵy) negizinde taǵaiyndalady.
Aǵymdaǵy jyldyń I jartyjyldyǵynda osy birjolǵy tólemdi 114 633 bolashaq ana jalpy somasy 57,3 mlrd teńgege aldy. Onyń mólsheri sońǵy 12 aidaǵy MÁSQ-ǵa áleýmettik aýdarymdar tólengen tabystarǵa jáne eńbekke jaramsyzdyq paraǵyna sáikes eńbekke jaramsyzdyq kúnderiniń sanyna bailanysty bolady.
Sondai-aq, aǵymdaǵy jyldyń I jartyjyldyǵynda MÁSQ-tan 459 217 alýshyǵa jalpy somasy 73,1 mlrd teńgege 1 jasqa deiingi bala kútimine bailanysty tabysynan aiyrylǵan jaǵdaida ai saiynǵy áleýmettik tólemder júzege asyryldy.
Bul tólemniń mólsheri sońǵy 2 jyl ishindegi MÁSQ-qa áleýmettik aýdarymdar tólengen ortasha ailyq tabystyń 40%-yn quraidy. Zańnamada tólemniń eń tómengi mólsheri belgilengen – mindetti zeinetaqy jarnalarynyń osy somasyna qosymsha aýdarýmen 1 jasqa deiingi bala kútimi boiynsha uqsas ai saiynǵy memlekettik áleýmettik járdemaqy deńgeiinde. Tólemniń eń joǵary mólsheri – tiisti qarjy jylyna arnalǵan respýblikalyq biýdjet týraly zańda belgilengen eń tómen jalaqynyń jeti eselengen mólsheriniń 40%-ynan aspaidy, iaǵni 2021 jyly – 119 myń teńge.
Joǵaryda kórsetilgen áleýmettik tólemderdiń taǵaiyndalǵan somalarynan mindetti zeinetaqy jarnalary ustalady jáne alýshynyń Biryńǵai jinaqtaýshy zeinetaqy qoryndaǵy shotyna aýdarylady.
MÁSQ-tan áleýmettik tólemderdi taǵaiyndaý tásilderiniń biri azamattar memlekettik organdarǵa júginbeitin proaktivti format bolyp tabylady. Mundai jaǵdailarda áieldiń uialy telefonyna tólemderdi resimdeýge qatysty sms-habarlama keledi, soǵan kelisim berý qajet.
Proaktivti qyzmet kórsetiletin qyzmetti alýshynyń uialy bailanysynyń abonenttik qurylǵysynyń telefon nómiri elektrondyq úkimettiń egov.kzportalynda tirkelgen, jumys orny boiynsha eńbekke jaramsyzdyq paraǵyn bergen jáne dekrettik demalysty resimdeý týraly aqparattyq júielerden málimetter alynǵan, eńbekke jaramsyzdyq paraǵy berilgen aidyń aldyndaǵy aida kórsetiletin qyzmetti alýshyda áleýmettik aýdarymdar bolǵan jáne bank shotynyń nómiri kórsetilgen jaǵdaida kórsetiledi.
Sondai-aq, balanyń týý týraly kýáligin alǵannan keiin, elektrondyq tsifrlyq qoltańba bolǵan jaǵdaida 1 jasqa deiingi bala kútimi boiynsha tólemdi elektrondyq úkimet portaly arqyly resimdeýge bolady.
Bul rette qujattardy qaǵaz nysanynda berýge yńǵaily adamdar úshin turǵylyqty jeri boiynsha «Azamattarǵa arnalǵan úkimet» memlekettik korporatsiiasynyń bólimsheleri arqyly ótinish berýdiń dástúrli tásilderi de bar.
MÁSQ-tan tólenetin barlyq tólemder týraly tolyq aqparatpen www.gfss.kz internet-resýrsta tanysýǵa bolady.
