Biyl elimizdiń sý aidyndarynda 134 bala qaza tapty. Bul týraly Májilistegi azamattyq qorǵaý júiesine qatysty Úkimet saǵatynda Tótenshe jaǵdailar ministri Iýrii Ilin málim etti, dep habarlaidy QazAqparat.
«Elimizde halyqtyń shomylý, demalý jáne balyq aýlaý úshin paidalanatyn 50 myńnan astam sý aidyny bar. Osy sý aidynynyń az ǵana bóligi baqylanady jáne bizdiń bólimshelerimizdiń jaýapkershilik aimaǵynda ornalasqan. Shomylý maýsymynda BAQ arqyly halyqpen aldyn alý jumystary jandandyrylady, sý aidyndaryndaǵy demalys oryndarynda reidter, patrýldeý júrgiziledi, sý aidyndarynyń jekelegen ýchaskelerinde mobildi qutqarý beketteri qoiylady. Shomylýǵa tyiym salynǵan oryndarda tyiym salatyn jáne eskertý belgileri (6 836) ornatylady. Biyl elimizdiń sý aidyndarynda 405 adam (onyń ishinde 134 bala) qaza tapty, bul 2020 jylmen salystyrǵanda 5,1 % - ǵa tómen. Alaida balalar óliminiń ósýi 20,7% - dy qurady», - dedi Iu. Ilin.
Onyń aitýynsha, balalardyń sýdaǵy ólimi erekshe alańdaýshylyq týǵyzyp otyr. Olardyń óliminiń sebepteri - balalardy qaraýsyz qaldyrý jáne jetkinshekterdiń bos ýaqytyn uiymdastyrýdyń bolmaýy.
«Sý aidyndarynda qaza tapqandardyń 97%-ǵa jýyǵy TJM qutqarý bólimsheleri joq jabdyqtalmaǵan oryndarda bolady. TJM kúshimen 337 adam qutqaryldy, onyń ishinde 64-i bala. Asa qaýipti ýchaskelerde 59 maýsymdyq mobildik qutqarý beketi qoiyldy», - dedi ministr.
