Bishkektiń Pervomaiskii aýdandyq soty Aizada Qanatbekovany urlaý deregi boiynsha qylmystyq iske qatysty úkim shyǵardy, - dep habarlaidy Tengrinews.kz tilshisi 24.kg saityna silteme jasap.
Úkimdi sýdia Saltanat Esenqulova oqyǵan, oǵan sáikes barlyq aiyptalýshy kináli dep tanylǵan.
Zamirbek Ramanqulov pen Kýbanych Tokonuly 6 jyl 6 aiǵa bas bostandyǵynan aiyryldy. Ajyqabyl Rysbaiuly, Syimyq Moldosariev jáne Orýzbek Nurymbetov 7 jylǵa bas bostandyǵynan aiyrylǵan.
Sot barlyq aiyptalýshydan 100 myń som moraldyq jáne materialdyq shyǵyn óndirip aldy.
Eske salaiyq, Bishkekte Aizada esimdi 5 sáýirde birneshe er adam urlap áketken. Urlaý sáti beinebaqylaý kameralaryna túsip qalǵan. Alaida Aizadany politsiia qyzmetkerleri emes, dalada júrgen shopan tapqan. Aldyn ala málimet boiynsha, kúdikti onymen sózge kelispei, qylǵyndyryp, artynsha óz-ózine qol jumsaǵan.
