Aqmola oblysynda Birjan saldyń 185 jyldyq mereitoiy toilandy. Birjan sal aýdany ákimdiginiń habarlaǵandai, ataýly shara Stepniak qalasyndaǵy aýdandyq mádeniet úiinde sándik-qoldanbaly óner, tarihi kórme, ulttyq qolóner kórmesimen bastaldy. «Ǵasyrlar amanaty» tarihi-etnografiialyq kórmesinde aýdan turǵyndary men qonaqtarynyń nazaryna Aqmola oblystyq tarihi-ólketaný mýzeiiniń qorynda saqtalǵan qazaq halqynyń baǵaly artefaktileri men materialdyq jáne rýhani mádenietiniń jádigerleri usynyldy. Kórmeni Aqmola oblysy men Qazaqstan óńirleriniń óner maitalmandary tamashalady.
Kórme Birjan sal jáne onyń zamandastary ómir súrgen rýhani álemge janasýǵa jáne ulttyq turmys zattaryna jańa kózqaraspen qarap, olardyń arasyndaǵy tereń ózara bailanysty túsinýge múmkindik berdi.
«Ataqty akademik Ahmet Jubanov «Birjan –qazaqtyń halyqtyq mýzyka mádenietiniń alyby. Óner qairatkeri, azamat Birjannyń aty qazaq mýzykasynyń tarihynda altynmen jazylady» degen sózderi shyndyqqa ainalyp, mine búgin biz barshamyz Uly babamyzdyń 185 jyldyq torqaly toiyna kýá bolyp otyrmyz. Óz dáýirinde Segiz seri, Niiaz serilerdiń izin jalǵap, arqanyń tunyǵy shaiqalmaǵan tuma óneri órnegi bólek dástúrli án mektebiniń sara jolyn qalyptastyrǵan Birjan sal,qazaq mýzykasyn jańa biikke kóterdi», - dedi konferentsiiaǵa qatysýshylar.
Sonymen qatar, sharada aýdan ákimi Ermek Nuǵymanov óńirdiń áleýmettik - ekonomikalyq damýyna súbeli úles qosqan bir top azamatty marapattady.
