Foto: elorda.info
"KEGOC" AQ birneshe oblysta jaryqtyń óshýine qatysty málimdeme jasady, dep habarlaidy "Ult aqparat" Elektr jelilerin basqarý jónindegi qazaqstandyq kompaniiaǵa (KEGOC) silteme jasap.
"2023 jylǵy 13 aqpanda saǵat 09:23-te tehnologiialyq qorǵaný áreketimen 500 kV Ekibastuz - Aǵadyr J-5170 elektr jetkizý jelisi avariialyq túrde ajyratyldy.
Bul Almaty, Jambyl, Jetisý, Túrkistan, Qyzylorda, Qaraǵandy oblystaryn energiiamen jabdyqtaýda shamamen 600 MVt (tutynýdyń shamamen 10 paiyz) kóleminde shekteýler ákeldi", - delingen habarlamada.
Kompaniia málimetinshe, "KEGOC" AQ elektr jelileriniń avariiaǵa qarsy avtomatikasy shtattyq rejimde iske qosyldy, sonyń arqasynda Qazaqstannyń ońtústik jáne ortalyq óńirlerinde tolyq ajyratýǵa jol berilmegen.
"Qazirgi ýaqytta ajyratylǵan tutynýshylardy elektrmen jabdyqtaýdy qalpyna keltirý maqsatynda ońtústik óńirdiń elektr stantsiialarynyń júktemesin tolyqtai kóterý jumystary júrgizilýde.
Elektr jetkizý jelisindegi zaqymdanýdy anyqtaý jáne joiý úshin jóndeý brigadalarynyń shyǵýy uiymdastyryldy", - dep tolyqtyrdy "KEGOC".
