Qazaqstannyń birneshe óńirinde aptap jáne shańdy daýyl bolady, - dep habarlaidy "Qazgidromet" RMK ortalyǵy.
23 tamyzda Qyzylorda oblysynyń ortalyǵynda shańdy daýyl saqtalady. Oblys ortalyǵynda soltústik-shyǵystan sekýndyna 15-20 metr jel soǵyp, tótenshe órt qaýpi bolady.
23-25 tamyzda kúndiz Jambyl oblysynyń taýly jáne taý bókterindegi aýdandarynda naizaǵai, burshaq bolady. Oblystyń soltústik-shyǵysynda shańdy daýyl kútiledi. 23-25 tamyzda soltústik-shyǵysta jáne ońtústik-batysta jel sekýndyna 15-20 metr jyldamdyqpen soǵady. Tótenshe órt qaýpi saqtalady.
Qostanai oblysynyń basym bóliginde 37 gradýsqa deiin ystyq bolady. Oblystyń ortalyq jáne ońtústik aýdandarynda tótenshe órt qaýpi bar.
Mańǵystaý oblysynyń ońtústiginde 40 gradýs aptap saqtalady.
23-24 tamyzda Qaraǵandy oblysynyń soltústiginde, shyǵysynda soltústik-shyǵystan jel soǵady, ekpini sekýndyna 15-20 metr bolady. 23-24 tamyzda kúndiz oblystyń ońtústiginde 35 gradýs ystyq saqtalady. Oblystyń ońtústik-batysynda joǵary órt qaýpi bolady.
23-24 tamyzda kúndiz Soltústik Qazaqstan oblysynda 35 gradýs ystyq bolady, tótenshe órt qaýpi bar.
