Foto: Altynai Saǵyndyqova, inform.kz
Prezidenttiń Qostanai, Aqtaý, Taraz, Atyraý jáne Aqtóbedegi rezidentsiialary balalardyń igiligine beriledi. Aqparatty oblystyq ákimdikter rastady, - dep habarlaidy Massaget.kz.
Buǵan deiin jelide Memleket basshysynyń bes qaladaǵy rezidentsiiasy balalardyń igiligine beriletini týraly aqparat paida bolǵan. Jergilikti ákimdikter bul ǵimarattardy balabaqsha, ne saýyqtyrý ortalyqtary, ne balalarǵa arnalǵan basqa da ortalyqtar ete me, muny ózi sheshedi.
"Memleket basshysynyń tapsyrmasy oryndalady. Qazirgi ýaqytta berý mehanizmi jáne qonaqúidi maqsatty paidalaný máselesi pysyqtalyp jatyr. Sheshimdi qosymsha habarlaimyz", - dep habarlady Qostanai oblysynyń ákimdigi.
Sonymen birge aqparatty Mańǵystaý oblysynyń ákimdigi de rastady.
"Rastaimyz. Bul boiynsha jumys bastalady. Qosymsha aqparat sál keiinirek beriledi",-dep habarlady ákimniń baspasóz qyzmeti.
Atyraý oblysy ákimdigi de bul ǵimarat balalarǵa arnalǵan mekeme retinde paidalanýǵa beriletinin habarlady.
"Bolashaqta bul demalys jáne saýyqtyrý ortalyǵyna ainalady. Tiisinshe, taǵaiyndaýdy anyqtaǵannan keiin qaita jabdyqtaý boiynsha Uiymdastyrý jumystary bastalady", - dedi ákimdiktiń baspasóz qyzmeti.
Aqtóbe oblysy ákimi apparaty basshysynyń orynbasary Erjan Baitanaevtyń habaryna qaraǵanda, bul ǵimarat bolashaqta balabaqsha, bilim berý ortalyǵy, lager nemese ońaltý ortalyǵy bolýy múmkin.
"Ári qarai biz nysandy balalarǵa qajet nárseniń bárimen jabdyqtaimyz. Qysqa merzimde tapsyrmany oryndaimyz", - dedi oblys ákimi apparaty basshysynyń orynbasary Erjan Baitanaev.
Jambyl oblysy ákiminiń orynbasary Erkin Úisimbaevtyń sózinshe, Prezident rezidentsiiasy múgedek balalarǵa arnalǵan sanatorii nemese jazǵy lager bolady. Bul týraly naqty sheshim keiinirek qabyldanbaq.
