20 naýryzda Shymkenttegi Astana dańǵyly Nursultan Nazarbaev dańǵyly bolyp ózgerdi. Bul sheshimdi Shymkent qalalyq máslihatynyń depýtattary qabyldady.
Sondai-aq Óskemen men Pavlodar, Taldyqorǵandaǵy Táýelsizdik dańǵyldaryna, Oraldaǵy Dostyq dańǵylyna, Kókshetaýdaǵy Gorkii dańǵylyna, Shymkenttegi Astana kóshesine, Petropavl men Qaraǵandydaǵy Mir kóshelerine Nazarbaevtyń aty berildi. Kóshe ataýlaryn ózgertý týraly sheshimdi qalalyq máslihattar qabyldady.
Aita keteiik, 20 naýryzda Parlamenttiń qos palatasynyń birlesken otyrysynda Qazaqstan halqyna ant berip, Prezident qyzmetine kirisken Qasym-Jomart Toqaev memleket astanasyna eldiń tuńǵysh prezidenti Nursultan Nazarbaevtyń esimin berýdi usyndy. Ol "oblys ortalyqtaryndaǵy negizgi kóshelerge Nazarbaev atyn berý kerek" dedi. Osy kúni parlament Astana ataýyn Nursultan dep ózgertý týraly zań jobasyn qabyldaǵan.
2017 jyly Almatydaǵy Fýrmanov kóshesi Nazarbaev dańǵyly dep ózgertilgen edi.
