Etihad Airways kompaniiasy aýyzashar úshin Etihad Ramadan Box jobasyn qolǵa aldy, dep habarlaidy WAM News.
Áýe kompaniiasy eldegi tamaq jetkizip beretin meiramhanany izdeý platformasy Zomato kompaniiasymen seriktesti. Osy arqyly COVID-19 juqtyrý qaýpi bar ortadaǵylarǵa tamaq jetkizilmek. Onyń qatarynda aýrýhanadaǵylar, jumys istep turǵan kásiporyndar, eriktiler uiymdary jáne muqtaj otbasylar bar.
Dúisenbide áýe kompaniiasy COVID-19 pandemiiasynan zardap shekken nemese qarjydan taryqqandarǵa Zomato qosymshasy arqyly Etihad Ramadan-nyń bir qorabyn surai alatynyn jetkizdi.
«Ramazan – dostarmen, otbasymen kezdesetin ýaqyt. Alaida pandemiia kezindegi qiyn jaǵdaidy eskersek, biyl olai jinalý múmkin emes. Bul qiyn kezde qonaqjailyǵymyzdy jáne meditsinalyq qyzmetkerlerge, pandemiiaǵa qaramastan, eńbek etip júrgenderge degen qamqorlyǵymyzdy jurtshylyqtyń sezingenin qalaimyz», - dedi Etihad Aviation Group kommertsiialyq direktory Robin Kamark.
Eriktiler, densaýlyq saqtaý jáne basqa uiymdardyń qyzmetkerleri Zomato jetkizetin daiyn taǵammen qatar azyq-túlik jáne tamaq isteýdiń qarapaiym retsepti salynǵan taǵy bir qorap alady.
«Biz qazirgi kezde qoldaýǵa muqtaj adamdar bar ekenin bilemiz. Etihad Airways-pen seriktestik – olarǵa kómektesý úshin qoldan kelgendi isteýdiń bir amaly. Adam aýyrsa da, jumysynan aiyrylsa nemese jai ǵana kómekke muqtaj bolsa, onda Etihad Ramadan qoraby qiyn kezdegi qamqorlyqtyń bir belgisi. Biz bul baǵytta Etihad Airways-pen birge jumys istep júrgenimizdi maqtan etemiz», - dedi Zomato-nyń óńirlik direktory Karl Baz:.
Sondai-aq, áýe kompaniiasynyń áleýmettik jelidegi Etihad@Home paraqshalarynda Etihad Inflight aspazdary as ázirleý sabaqtaryn úiretedi.
