«Birgemiz» qoryna 13 mlrd teńge tústi. Bul týraly QR Aqparat jáne qoǵamdyq damý ministri Dáýren Abaev málim etti, dep habarlaidy "Ult aqparat".
«Birgemiz» qoryna toqtalsaq, búginde qorǵa 13 mlrd teńge tústi. Qarjy ashyqtyǵyn qamtamasyz etý úshin barlyq óńirde qor ókildikteri ashyldy», - dedi ministr «Habar 24» telearnasynyń tikelei efirinen.
Osy oraida ministr qordyń saity iske qosylǵanyn atap ótti.
«Onda kelip túsken qarajat pen shyǵyndar jariialanady, tipti, chekterge deiin kórsetiledi. Qazir ár óńirde kómekke muqtaj adamdardyń tizimi jasalýda. Olar jaqyn ýaqytta qordan kómek alady», - dedi Dáýren Abaev.
Aita keteiik, Elbasy bastamasymen qurylǵan «Birgemiz» qoǵamdyq qoryna elimizdiń barlyq óńirinen qaiyrymdylyq retinde qarajat túsip jatyr.
