«Birgemiz» qoǵamdyq qory túsken qarajat pen aimaqtar boiynsha kórsetilgen kómek týraly barlyq aqparat turaqty túrde jariialanyp otyratyn birgemiz2020.kz resmi saityn iske qosty, dep habarlaidy "Ult aqparat".
Portaldy eriktiler tegin jasap bergen.
Munda barlyq qaiyrymdylyqtar bólek baǵanda kórsetiledi. Qarajat túsken saiyn jańartylyp otyrady. Kompaniialardyń jarnalary «Qaiyrymdylyq jasaýshylar men seriktester» segmentinde kórsetilgen. Sonymen qatar jaǵdaiǵa beijai qaramaityn qazaqstandyqtar saitta kórsetilgen derekter boiynsha erikti bolýǵa nemese qarjylyq kómek jiberýge ótinish qaldyrý múmkindigine ie.
Sondai-aq, uiymnyń saitynda árbir aimaqtyq qor týraly aqparat beriledi. Munda muqtaj adamdar óz óńirindegi qormen tikelei bailanysyp, suraq qoiýy úshin jergilikti jerdegi jaýapty tulǵalar men olardyń bailanys málimetteri kórsetiledi.
«Biz úshin qor jumysynyń ashyqtyǵyn kórsetý óte mańyzdy. Sondyqtan saitqa kirýshilerdiń árbiri bul jerden banktik úzindi kóshirmelerimen birge usynylatyn esepterdi taba alady. Qiyn kúnderde otandastarymyzdy qoldaý úshin qaiyrymaldyq jasaǵan barlyq qazaqstandyqtarǵa jáne elimizdiń kompaniialaryna alǵys aitamyz», - dedi qor tóraǵasy Rýslan Sákeev.
Eske sala keteiik «Birgemiz» qoǵamdyq qory elimizdiń Tuńǵysh Prezidenti Nursultan Nazarbaevtyń bastamasymen COVID-19 pandemiiasy jaǵdaiynda turǵyndardyń áleýmettik álsiz toptaryn qoldaý maqsatynda 2020 jyldyń 20 naýryzynda qurylǵan edi.
