Elbasy, «Nur Otan» partiiasynyń kóshbasshysy Nursultan Nazarbaevtyń bastamasymen qurylǵan «Birgemiz» qoǵamdyq qorynyń basshylyqqa alatyn negizgi 10 qaǵidaty bekitildi, dep habarlaidy "Ult aqparat" qordyń baspasóz qyzmetine sliteme jasap.
1. Erikti jarnalar men qaiyrymdylyq kómek.
Barlyq qaiyrymdylyqty biznes ókilderi tek jeke qarajaty esebinen erikti túrde jasaidy. Biýdjettik uiymdardan, sondai-aq jalaqydan aýdarymdar qabyldanbaidy.
2. Ataýly sipaty.
Tikelei jeke qoldaý halyqtyń áleýmettik álsiz toptaryna (jasyna bailanysty COVID-19 juqtyrý qaýpi joǵary jandarǵa, koronavirýstyń zardabyn shekken jáne áleýmettik-ekonomikalyq qiyndyqtarǵa ushyraǵan turmysy tómen qazaqstandyqtarǵa) kórsetiledi. Sanattar naqtylanýda. Kómek eldiń indet juqtyrý qaýpi joǵary iri qalalarynyń turǵyndaryna beriledi.
3. Kómektiń ádildigi.
Kómek alýshylardyń tizimin anyqtaýda sýbektivti paiymdaýlar men daýlardy boldyrmaý úshin Qor zańnama talaptaryna jáne memlekettik organdardyń (ministrlikter men ákimdikterdiń) resmi derekterine súienedi.
4. Qolma-qolsyz jáne bailanyssyz kómek.
Barlyq tólemder, tranzaktsiialar, esep aiyrysýlar tek qolma-qol aqshasyz úlgide júzege asyrylady, bul qarjy jumsalymdarynyń ashyqtyǵy men aiqyndyǵyn qamtamasyz etedi.
5. Qor qyzmetiniń ýaqyt boiynsha shektelýi.
Qordyń qyzmeti infektsiianyń taralýyna bailanysty eldegi tótenshe jaǵdaidyń uzaqtyǵymen shekteledi.
6. Qor qarajatynyń maqsatty jumsalýy.
Ákimshilik, uiymdastyrýshylyq shyǵystary «Nur Otan» partiiasynyń qaitarymsyz kómegi esebinen óteledi.
7. Únemdilik jáne tiimdilik.
Áleýmettik jáne gigienalyq paketterge salynatyn taýarlar básekelik negizde taýardyń sapasy men qunynyń ońtaily qatynasy eskerile otyryp satyp alynady.
8. Qazaqstandyq óndirýshilerdi qoldaý.
Áleýmettik paketterdi jasaý úshin taýarlar, Qazaqstanda jasalmaityn taýarlardy qospaǵanda, tek qazaqstandyq óndirýshilerden satyp alynady.
9. Qordyń qarajaty men memlekettik biýdjet arasynyń naqty ajyratylýy.
Kómek zattai áleýmettik paketter (azyq-túlik sebeti), qorǵanys quraldary (antiseptikter, maskalar, qolǵaptar), qolma-qol aqshasyz tólemder túrinde kórsetiledi. Memlekettik biýdjetten tólenetin qajettilikter qarjylandyrylmaidy.
10. Qordyń ashyq, aiqyn qyzmeti.
Qor qyzmetiniń ashyqtyǵy men aiqyndyǵy qordyń basqarmasynan jaýapty tulǵanyń kúndelikti brifing ótkizip, tolyqandy aqparatty berýi, túsken qarjy men kórsetilgen kómek týraly esepterdi turaqty túrde jariialaityn arnaiy sait qurý arqyly qamtamasyz etiledi.
Sonymen qatar qoǵamdyq qorda uiym qyzmetiniń óz jarǵylyq maqsattaryna sáikestigin baqylaýdy quramyna belgili qoǵam jáne memleket qairatkerleri, azamattyq qoǵam ókilderi men jastar kiretin qamqorshylar keńesi júzege asyratyny atalyp ótti. Qarajattyń jumsalýyn tekserý komissiiasy baqylaidy.
