sýret ashyq derekkózden alyndy
Ulttyq statistika biýrosy 2022 jylǵa arnalǵan Qazaqstan halqy sanynyń ósimi týraly málimetterdi jariialady, - dep habarlaidy "Ult aqparat".
Resmi derek boiynsha, 2022 jyldyń basynda Qazaqstanda 19 million 503 myń 159 adam turǵan. 2023 jyldyń 1 qańtarynda halyq sany 19 million 765 myń 4 adam boldy. Bir jyldaǵy halyq sanynyń jalpy ósimi 261 myń 845 adam boldy.
Almaty qalasy halyq sanynyń eń joǵary ósimin kórsetti, bir jyl ishinde ol 60 myń turǵynǵa ósken. Ekinshi orynda Astana qalasy tur, onda halyq ósimi - 58 myń 724 adam. Odan keiingi orynda Túrkistan oblysy – 30 myń 553 turǵynǵa artty. Osyndai kórsetkishter Shymkentte (+29,5 myń turǵyn) jáne Almaty oblysynda (+27,4 myń turǵyn) baiqalady. Bul rette Astanada halyq sanynyń ósý qarqyny eń joǵary – 4,53 paiyz.
Teris demografiialyq kórsetkishter Qaraǵandy (-213 adam), Qostanai (-3 576), Pavlodar (-1 608), Soltústik Qazaqstan (-5 087), Shyǵys Qazaqstan (-2 794) oblystarynda, sondai-aq Abai oblystarynda (-1 669) jáne Jetisý (-82).
