© Photo : Áleýmettik jeliden alyndy
Senat depýtattary eńbek daýlary men janjaldaryn sheshý tártibine ózgeris engizý týraly zańdy maquldady. Oǵan sáikes, jumysshylarǵa bir saǵattyq eskertý ereýilin ótkizýge ruqsat beriledi, dep habarlaidy Sputnik Qazaqstan.
Eńbek jáne halyqty áleýmettik qorǵaý vitse-ministri Aqmadi Sarbasovtyń aitýynsha, eskertý ereýilin eńbek arbitrajy kezinde ótkizýge ruqsat beriledi. Ýaqyty - bir saǵat. Adam sanyna da shekteý bar.
"Adam sany 50-den aspaýy kerek. Eskertý ereýili jumysshylardyń talabyn tiimdi qarastyrýǵa jáne bárine yńǵaily sheshim qabyldaýǵa yqpal etýi kerek", - dedi Sarbasov Senatta ótken brifingte.
Osy oraida vitse-ministr tolyqqandy ereýildi ótkizý tártibin túsindirdi.
"Bári jumysshylardyń talabynan bastalady. Bul - birinshi kezeń. Eki jaq kelisimge kelmese, barlyq másele tatýlasý komissiiasynda qaralady. Oǵan jumys berýshi men jumysshylardyń ókilderi teń dárejede kiredi. Tatýlasý komissiiasynda eshteńe sheshilmese, eńbek arbitrajy qurylady. Onyń quramyna da eki jaqtyń adamdary, eńbek inspektory jáne taǵy basqa sarapshylar kiredi. Onda da kelisimge kelmese, jumysshylar ereýil jariialaýǵa quqyly", - dep atap kórsetti Sarbasov.
Onyń aitýynsha, búgin qabyldanǵan zańda arbitrajdy qurý merzimi eki kúnge qysqartylady. Al sheshim shyǵarýǵa úsh kún beriledi. Sondai-aq, kelisý komissiiasyna shaǵym túsirý tártibi jan-jaqty jazylǵan.
Jumys berýshi ereýil jáne taǵy basqa sharalardy ótkizý úshin jaǵdai jasaýǵa mindetti.
Aita keteri, búgin zań eki oqylymda maquldandy. Qujat Prezidenttiń qol qoiýyna jiberildi.
