Bir apta ishinde el aýmaǵynda 3230 qylmys tirkeldi. Bul týraly Ishki ister ministrliginiń ókili Shuǵyla Turlybek aitty, dep habarlaidy QazAqparat.
«Eldegi kriminogendik jaǵdaiǵa toqtalsaq, bir apta ishinde 3230 qylmys jasaldy, onyń 2247-i táýlik ishinde ashyldy», - dedi Shuǵyla Turlybek Ishki ister ministrligi uiymdastyrǵan aptalyq brifingide.
Sonymen qatar, politsiia qyzmetkerleri «izin sýytpai» 10 kisi óltirýdi, 4 ólimge ákep soqqan densaýlyqqa qasaqana aýyr ziian keltirýdi, bir qaraqshylyq, 28 tonaý jáne 475 bóten múlikti urlaý qylmystaryn ashty.
Budan bólek brifingide Ishki ister ministri Erlan Turǵymbaevtyń Parlament Májilisindegi Úkimet saǵatynda kótergen máseleleri jaiynda aityldy.
Ol depýtattyq korpýsqa respýblikadaǵy qylmystyq jaǵdai týraly baiandap, buryn sottalǵandarmen, kámeletke tolmaǵandarmen, mas kúiinde, qarýdy qoldana otyryp jasalǵan qylmystardyń tórtten bir bólikke azaiǵanyn, mundai qylmystardyń ashylýynyń jaqsarǵanyn atap ótti jáne atalmysh oń úrdistiń sońǵy 3 jyl boiy saqtalyp kele jatqanyn habarlady. Sonymen qatar, internet-alaiaqtyq sanynyń ósýine nazar aýdaryldy.
