Bilimdi de mádenietti ultqa ainalýdy basty ideologiia etip ustanǵanymyz jón. Bul týraly Jambyl Jabaevtyń 175 jyldyǵyna arnalǵan «Uly dala aqyny» atty halyqaralyq konferentsiiada QR Prezidenti Ákimshiligi basshysynyń birinshi orynbasary Dáýren Abaev aitty, dep habarlaidy QazAqparat.
«Abai, Súiinbai, Jambyl siiaqty halqymyzdyń birtýar perzentteriniń asqaq armany – qazaqtyń irgeli de órkenietti el bolýy edi. Endi qazir, Táýelsizdiktiń mańyzdy mejesine jetken tusta ulttyń jańa bolmysynyń babalar mirasyna sai kelýine mán berýimiz kerek dep esepteimin. Osy rette ál-Farabiden bastap búginge deiingi oishyldarymyzǵa tán ortaq ustanym bar. Ol – bilim men mádeniet ǵurpy. Qustyń qos qanaty bolsa, adamdy da biikke jeteleitin eki qasiet bar. Ol – bilim jáne tárbie. Bilimdi de mádenietti ultqa ainalýdy basty ideologiia etip ustanǵanymyz jón. Jańa ǵasyrdaǵy qazaq kelbeti osy aitylǵan eki qasietpen sipattalýǵa tiis dep esepteimin», - dedi Prezident Ákimshiligi basshysynyń birinshi orynbasary.
Dáýren Abaev sońǵy kezde qoǵamda «ideologiia joq» degen pikirdi kóp estitinimizdi atap ótti.
«Alaida, bárimiz túsinýimiz kerek bir dúnie bar – qazir búkil álem, sonymen birge ideologiia da ózgergen. Keńes kezindegidei ideologiia kelmeske ketti. Sebebi ol kezde aqparat salasy bir qolda edi. Al qazirgidei tsifrlandyrý zamanynda barlyq aqparat kózderi ashyq. Tipti jalǵan málimetter de jyldam taraýda, oǵan túbegeili tosqaýyl qoiý múmkin emes. Eń ókinishtisi, aqparattyń aq-qarasyn ajyrata bilmeitin adam buǵan senip qalyp jatady. Sondyqtan ótkenge qarailai bermei, ulttyq ustynymyzdy bilim jáne tárbiemen qalai ushtastyramyz dep oilanǵanymyz abzal», - dedi ol.
