QR Bilim jáne ǵylym ministrligi sheteldik joǵary oqý oryndarynda oqityn qazaqstandyqtardy elimizdegi oqý oryndaryna aýystyrý boiynsha kómek kórsetýde, dep habarlaidy "Ult aqparat".
Málim etilgendei, QR BǴM sheteldik joǵary oqý oryndaryna óz betinshe túsken jáne koronavirýs pandemiiasyna bailanysty joǵary oqý oryndaryna oralý problemasyna tap bolǵan qazaqstandyq stýdentterge kómek kórsetýdi bastady.
«Sheteldik JOO-nyń kópshiligi stýdentterin qashyqtan oqytady. Alaida, keibir oqý oryndarynda ondai múmkindik qarastyrylmaǵan. Ózderine bailanysty emes sebeptermen oqýyn jalǵastyrý úshin elden shyǵa almaityn stýdentterge ministrlik otandyq joǵary oqý oryndaryna aýysýǵa kómektesýge daiyn.
Bul rette, qujattardy rásimdeý formaty jeńildetiledi. Ol úshin ýniversitettiń virtýaldy qabyldaý komissiiasyna júginý jetkilikti. Oqý ornyna aýysý týraly ótinish onlain-rejimde qarastyrylady», - dedi ministrlikten.
Osy maqsatta QR BǴM-da jedel jeli (74-16-24) iske qosyldy.
