IT-mektepterinde oqý úshin jastarǵa oqý vaýcherleri bólinedi. Bul týraly Memleket basshysynyń Joldaýynda berilgen tapsyrmalardy oryndaýǵa arnalǵan Úkimet otyrysynda Bilim jáne ǵylym ministri Ashat Aimaǵambetov málim etti, dep habarlaidy QazAqparat.
«Baǵdarlamalaý daǵdylaryn damytý boiynsha, «Tsifrlyq bilim» jobasynyń aiasynda IT-mektepterinde oqý úshin jastarǵa oqý vaýcherleri bólinedi. Ol úshin zańnamalyq negiz daiyndaldy. «Tsifrlyq muǵalim» jobasy aiasynda áleýmettik osal otbasylardan shyqqan balalarǵa qosymsha onlain-sabaqtar alý múmkindigi usynylady. Tiisti zańnamalyq túzetýler ázirlendi. Bul bastama osy balalardyń bilim sapasynyń birshama kóterilýine úlken septigin tigizetini sózsiz», - dedi Aimaǵambetov.
Onyń aitýynsha, barlyq bilim berý uiymdarynda biryńǵai bilim berý aqparattyq júiesi qoljetimdi bolady. Bilim berý protsesiniń barlyq qatysýshylary úshin avtorizatsiianyń biryńǵai terezesi, sabaqty josparlaý men qurýdan bastap, úi tapsyrmasyn oryndaýǵa deiingi barlyq kezeńderdi qamtidy.
