Bilim berý granttaryn taǵaiyndaý jónindegi respýblikalyq komissiianyń birinshi otyrysy ótti. Komissiia otyrysyna QR Bilim jáne ǵylym vitse-ministri Qýanysh Erǵaliev tóraǵalyq etti, dep habarlaidy "Ult aqparat" ministrliktiń baspasóz qyzmetine silteme jasap.
Grantqa úmitkerlerdiń ótinimderin komissiia músheleri qaraidy.
Komissiia quramyna memlekettik organdar men qoǵamdyq uiymdardyń ókilderi, jýrnalister, «Qazaqstan stýdentteri Aliansy», Otandastar qorynyń ókilderi kirdi. Odan keiin talapkerlerdiń UBT-da jinaǵan baldaryna jáne bekitilgen erejelerge sáikes konkýrstyq negizde granttar taǵaiyndalatyn bolady.
Prezidenttiń tapsyrmasy boiynsha granttardyń jalpy sany 5 myńǵa artyp otyr. Iaǵni, ótken jyly bilim berý granttarynyń sany 51 myń bolsa, biyl 56 myńǵa deiin artty. Sondai-aq granttardy bólý kezinde alǵash ret azamattardyń áleýmettik osal sanattary úshin kvotalar kózdelgen.
Biyl bilim berý granttaryn taǵaiyndaý konkýrsyna qatysý úshin barlyǵy 75 myńnan astam ótinim berildi, bul 2020 jylmen salystyrǵanda 13 myńǵa artyq.
«Memlekettik bilim berý granttaryn taǵaiyndaý konkýrsynyń nátijelerin 15 tamyzǵa deiin jariialaý josparlanyp otyr», - delingen QR Bilim jáne ǵylym ministrliginiń baspasóz qyzmeti taratqan aqparatta.
