Jambyl oblysyndaǵy áskeri bólimsheniń qoimalaryndaǵy jarylystan keiin 83 bala evakýatsiialandy, dep habarlaidy "Ult aqparat" Bilim jáne ǵylym ministrligine silteme jasap.
Ministrlike qarasty Balalardyń quqyqtaryn qorǵaý komitetine kelip túsken aqparatqa sáikes Jambyl oblysynda (Baizaq aýdany) zardap shekkenderdiń arasynda balalar joq. Jergilikti atqarýshy organdardyń qyzmetkerleri jaqyn mańdaǵy eldi-mekenderden Taraz qalasyna, sondai-aq Baizaq aýdanynyń Sarykemer jáne Keńes aýyldaryna 83 balany evakýatsiialady.
QR Bilim jáne ǵylym ministri Ashat Aimaǵambetovtiń tapsyrmasy boiynsha túnde oqiǵa ornyna Balalardyń quqyqtaryn qorǵaý komitetiniń tóraǵasy E.N. Imanǵaliev bardy. Sondai-aq oqiǵa ornynda QR Bilim jáne ǵylym ministrliginiń bilim salasynda sapany qamtamasyz etý jónindegi aýmaqtyq departamentiniń ókilderi de jumys istep jatyr.
«Evakýatsiialanǵan balalarǵa qajetti jaǵdailar jasaldy, olar ystyq tamaqpen jáne dári-dármekpen qamtamasyz etildi. Uiyqtaityn oryndar karantin talaptaryn eskere otyryp jabdyqtaldy.
Evakýatsiialanǵan balalarǵa qoldaý kórsetý úshin QR BǴM ata-analarǵa balalaryn «Baldáýren» respýblikalyq oqý-saýyqtyrý ortalyǵyna jiberýdi usyndy. Ortalyqta barlyq jaǵdai jasalǵan. Mundai tájiribe buryn-sońdy oryn alǵan tótenshe jaǵdailar kezinde paidalanylǵan», delingen habarlamada.
Aita keteiik, balalarǵa jedel kómek kórsetýdi uiymdastyrý úshin QR Bilim jáne ǵylym ministrligi shuǵyl túrde táýlik boiy jumys isteitin jedel jelilerdiń jumysyn uiymdastyrdy: «Bala gorqau» Telegram chaty - 8 702 564 2168, 8 701 210 0238, 8 7172 742528.
