Pedagog mártebesi boiynsha zań buzǵan adamdar ákimshilik jaýapqa tartyldy.
Bul týraly «Bilim jáne ǵylym – eldiń turaqty damýynyń kepili» taqyrybyndaǵy pedagogterdiń Respýblikalyq tamyz konferentsiiasynyń plenarlyq sessiiasynda QR Bilim jáne ǵylym ministri Ashat Aimaǵambetov málim etti, dep habarlaidy QazAqparat.
Ministr «Pedagog mártebesi týraly» Zań aiasynda Bilim jáne ǵylym ministrligi pedagogterdiń eńbek jaǵdaiyn jaqsartý boiynsha jumys júrgizip jatqanyn atap ótti. Bul saladaǵy qadamdar muǵalimderdi ózge jumystar men tekserýlerden bosatyp, materialdyq yntalandyrýǵa baǵyttalǵan.
Sapany qamtamasyz etý jáne pedagog quqyqtarynyń buzylýyna jol bermeý maqsatynda bilim sapasy jónindegi aýmaqtyq departamentter turaqty negizde túsindirý jumystaryn júrgizip, kelip túsken ótinishterdi qaraidy.
«Barlyq óńirde pedagogterdiń quqyqtary boiynsha aýmaqtyq keńester qurylyp, jumys istep jatyr. Jyl basynan beri 116 resmi ótinish kelip tústi. Ótinish boiynsha pedagogterdiń quqyqtaryn buzý faktileri rastaldy. Olardyń kóbi Túrkistan, Jambyl jáne Shyǵys Qazaqstan oblystarynda tirkeldi. Pedagogterdi ózge jumys túrlerine tartý, bilim alýshylar men olardyń ata-analary tarapynan qurmettemeý ári orynsyz minez-qulyq máselelerine qatysty shaǵymdar tústi. Pedagogterdi jóndeý jumystaryna, mektep kabinetterin tazalaýǵa tartý, gazetter men jýrnaldarǵa májbúrlep jazý faktileri anyqtaldy. Rastalǵan faktiler boiynsha kináli adamdar ákimshilik jaýapqa tartyldy», - dedi Aimaǵambetov.
Osy oraida ministr pedagog mártebesi óte mańyzdy ekenin, sondai-aq bul saladaǵy zań buzýshylyqtar airyqsha tekseriletinin atap ótti.
