Muǵalimderdi mindetinen tys jumysqa tartqandar qatań jazaǵa tartylady. Bul týraly bilim jáne ǵylym vitse-ministri Sholpan Karinova málim etti, - dep habarlaidy Tengrinews.kz.
"Muǵalimniń mártebesi týraly" zań bar, ol muǵalimder quqyǵyn qorǵaidy. Muǵalim shyqpaýǵa quqyly (senbilikterge. - eskertý). Eger mindetine jat fýnktsiia ekenin túsinse, onda barlyq muǵalim bas tarta alady. Bilim jáne ǵylym ministrligi ustanymynda naqty aityldy: biz muǵalimderdi basqa fýnktsiialarǵa tartýǵa qarsymyz.
Olar qatań jazaǵa tartylady, muǵalimderdi qyzmetine tán emes jumysqa tartatyndardyń bárine zań aiasynda sharalar qoldanylady. Muǵalimniń birinshi qyzmeti - balalarǵa barlyq pán boiynsha bilim berý. Oqytý, tárbieleý - muǵalimniń negizgi qyzmeti. Eshkim muǵalimderdi basqa is-sharalarǵa alańdatpaýy kerek", - dedi Karinova OKQ brifinginde.
Sonymen qatar, ol jýrnalister men jurtshylyqqa osy máseleni kóterip, muǵalimder quqyǵyn qorǵaǵany úshin alǵysyn bildirdi.
