QR Bilim jáne ǵylym ministrligi mektepterge bailanysty tapsyrmalardy oryndamaǵan tulǵalarǵa qatysty shara qabyldaý úshin birqatar óńirdiń ákimdigine hat joldady, dep habarlaidy "Ult aqparat" Bilim jáne ǵylym ministrligine silteme jasap.
Vedomstvonyń málimdeýinshe, másele mektep aýlasyndaǵy dárethanalarǵa qatysty suraqtardy sheshý jáne beinebaqylaý kamerasy, dabyl batyrmasy jáne qaýipsizdik júielesiniń basqa elementrimen qamtamasyz etýge qatysty.
«Mektepterdi qarjylandyrý fýnktsiialary, olardyń qurylysy jáne qajetti jaǵdai jasaý, onyń ishinde sanitariia, qaýipsizdik júiesimen qamtamasyz etý máseleleri zań júzinde ákimdiktiń quzyrynda ekenin atap ótken jón», delingen habarlamada.
Oqý jylynyń bastalýy qarsańynda ministrlikke qarasty Bilim jáne ǵylym salasynda sapany qamtamasyz etý komitetiniń qyzmetkerleri elimizdiń barlyq oblysy men qalasyndaǵy ákimdikterge vedomstvolyq baǵynyshty mektepterdi tekserdi.
«Inspektsiia barysynda Túrkistan, Aqtóbe, Almaty, Shyǵys Qazaqstan, Batys Qazaqstan, Qaraǵandy, Qostanai oblystaryndaǵy jáne Shymkent qalasyndaǵy mektepterde jyly dárethanalarmen qamtamasyz etý boiynsha kórsetkishtiń 100%-ǵa jetpeitini anyqtaldy. Buǵan deiin Úkimet oqý jylynyń basynda mektep aýlasyndaǵy barlyq dárethanany joiý mindetin qoiǵan bolatyn», delingen habarlamada.
Sonymen qatar paidalanylatyn jyly dárethanalardyń epidemiologiia talaptaryna sáikestigi boiynsha da suraqtar týyndaǵan.
«Atap aitsaq, jabyq kabina, qoldy jýý jáne keptirýge arnalǵan qural-jabdyqtyń bolmaýy jónindegi jáne taǵy basqa talaptar. Osyndai máselelerdi sheshý úshin QR BǴM Bilim jáne ǵylym salasyndaǵy sapany qamtamasyz etý komiteti sanitariia erejesine ózgeris engizdi», delingen habaralamada.
Jergilikti atqarýshy organdar qysqa merzimde 2 600-den astam jyly dárethana salynǵan.
«Sonymen birge Almaty, Shyǵys Qazaqstan jáne Túrkistan oblystarynda beinebaqylaý kameralaryn ornatý boiynsha máseleler tolyq sheshilmegen», - dep málimdedi vedomstvodan.
