Қазақстан Тәуелсіздігіне 25 жыл

Beisenbige arnalǵan aýa raiy boljamy

Beisenbige arnalǵan aýa raiy boljamy


Qazgidromet 30 qyrkúiekke arnalǵan aýa raiy boljamyn jariialaidy, dep habarlaidy "Ult aqparat".

Respýblikanyń basym bóliginde frontaldy bólikterdiń áserinen jaýyn-shashyn bolady, elimizdiń ońtústiginde jańbyr jaýady. Respýblikanyń tek batysyna jáne ońtústik-batysyna soltústik antitsiklon áserin tigizedi, osyǵan bailanysty jaýyn-shashynsyz aýa raiy kútiledi. Respýblika boiynsha jel kúsheiedi, ońtústik-shyǵysynda shańdy daýyl, soltústiginde jáne ortalyǵynda tuman, kóktaiǵaq kútiledi, kúndiz shyǵysynda jáne ońtústik – shyǵysynda naizaǵai bolady.

Jambyl oblysynyń batysynda, ońtústik-batysynda jáne taýly aýdandarynda shańdy daýyl kútiledi, 15-20 m/s jel kúsheiedi, tańerteń jáne kúndiz oblystyń shyǵysynda jáne taýly aýdandarda naizaǵai baqylanady. 

Aqmola oblysynyń soltústiginde jáne ońtústik-shyǵysynda tuman, kóktaiǵaq kútiledi, kúndiz oblystyń soltústik-batysynda jel 15-20 m/s kúsheiedi. Túnde jáne tańerteń Qaraǵandy oblysynyń soltústiginde jáne shyǵysynda tuman, kóktaiǵaq kútiledi, kúndiz shyǵysynda jel 15-20 m/s kúsheiedi. 

Kúndiz Shyǵys Qazaqstan oblysynyń soltústik-shyǵysynda naizaǵai kútiledi, ońtústik – batysynda jel 15-20 m/s kúsheiedi. Qostanai oblysynyń shyǵysynda jáne ońtústiginde kóktaiǵaq, túnde jáne tańerteń shyǵysynda tuman kútiledi. 

Kúndiz Almaty oblysynyń shyǵysynda jáne taýly aýdandarynda, Túrkistan oblysynyń soltústiginde, Qyzylorda oblysynyń ortalyǵynda jel 15-20 m/s kúsheiedi. Túnde jáne tańerteń Soltústik Qazaqstan oblysynyń soltústik-batysynda, Pavlodar oblysynyń ońtústiginde jáne ortalyǵynda tuman kútiledi.