"Novaia gazeta" basylymynyń bas redaktory Dmitrii Mýratov pen filippindik jýrnalist-zertteýshi Mariia Ressa Beibitshilik jónindegi Nobel syilyǵyna ie boldy.
Nobel komitetiniń habarlamasynda jýrnalister "demokratiia men álem alǵysharty bolyp sanalatyn pikir erkindigin qorǵaýǵa kúsh salǵany úshin" marapattalǵany jazylǵan.
Biyl bul syilyqqa 95 uiym men 234 adam usynylǵan. Arasynda reseilik oppozitsioner Aleksei Navalnyi, belorýs oppozitsiiasy jetekshileriniń biri Svetlana Tihanovskaia, shved ekobelsendisi Greta Týnberg te bar.
Úmitkerlerdiń tolyq tizimi qupiia saqtalady jáne tek 50 jyldan soń ǵana jariialanýy múmkin. Laýreattarǵa 10 mln shved krony (bir million dollardan astam) mólsherindegi syiaqy beriledi.
Byltyr Beibitshilik jónindegi Nobel syilyǵy BUU-nyń Dúniejúzilik azyq-túlik baǵdarlamasyna berilgen.
Nobel syilyǵy alǵash ret 1901 jyly tabystalǵan. Onyń alǵashqy laýreattary shveitsariialyq kásipker, halyqaralyq Qyzyl ai uiymyn qurý jónindegi bastama iesi Jan Anri Diýnan jáne frantsýz saiasatkeri, bitimger Frederik Passi bolǵan.
Nobel syilyǵynyń tarihynda syilyq álem boiynsha 107 adamǵa (17-si áiel) jáne 25 uiymǵa berilgen. 1901-2020 jyldary aralyǵynda Beibitshilik jónindegi syilyq 101 ret tabystalǵan. Komitet 19 ret syilyqqa laiyqty kandidat taba almaǵan.
