Batys Qazaqstan oblysynyń Syrym aýdanynda balabaqsha býhgalteri ózine zańsyz túrde joǵary jalaqy tólep, biýdjet qarajatyn iemdendi degen kúdikke ilindi, dep habarlaidy ult.kz.
Aýdan prokýratýrasynyń tekserýi kezinde esepshi shtattyq kestede belgilengen jalaqydan joǵary mólsherde qarajatty bes jyl boiy óziniń bank shotyna negizsiz aýdaryp kelgeni anyqtalǵan. Jalpy shyǵyn kólemi 30 mln teńgeden asady.
Osy derek boiynsha prokýratýra Qylmystyq kodekstiń 189-baby 4-bóligi 2-tarmaǵy boiynsha sotqa deiingi tergep-tekserýdi bastady. Is asa iri mólsherde senip tapsyrylǵan múlikti iemdený deregi boiynsha qaralyp jatyr. Tergeýdi Batys Qazaqstan oblysy boiynsha Ekonomikalyq tergeý departamenti júrgizýde.
Atalǵan bap boiynsha kináli dep tanylǵan adamǵa múlkin tárkileý jáne belgili bir laýazymdardy atqarý nemese belgili bir qyzmetpen ainalysý quqyǵynan aiyrýmen qatar, 12 jylǵa deiin bas bostandyǵynan aiyrý jazasy qarastyrylǵan.
Qazirgi ýaqytta sotqa deiingi tergep-tekserý jalǵasyp jatyr. Qylmystyq-protsestik kodekstiń 201-babyna sáikes istiń ózge mán-jailary jariia etilmeidi.
