10 qarashada elimizdegi bes oblys aýmaǵynda aýa raiynyń kúrt qubylýyna bailanysty eskertý jariialandy, dep habarlaidy "Ult aqparat" Qazgidrometke silteme jasap.
10 qarashada Soltústik Qazaqstan oblysynyń basym bóliginde jańbyr, qar jaýýy yqtimal. Oblystyń soltústiginde, batysynda tuman túsedi, kóktaiǵaq bolady, jaiaý burqasyn soǵady. Ońtústik-batystan jel turyp, jyldamdyǵy 15-20 m/s jetedi, oblystyń ońtústik-batysynda ekpini 25 m/s bolýy múmkin.
Petropavlda erteń qar aralas jańbyr jaýady, kóktaiǵaq bolyp, jaiaý burqasyn soǵýy yqtimal. Ońtústik-batystan jel soǵady, jyldamdyǵy 15-20 m/s jetedi.
10 qarashada kúndiz Aqtóbe oblysynyń soltústigi, batysynda qatty jańbyr jaýady. Batystan, soltústik-batystan jel soǵady, kúndiz oblystyń soltústik-batysynda ekpini 15-20 m/s jetýi múmkin.
10 qarashada kúndiz Mańǵystaý oblysynyń batysynda tuman túsýi múmkin. Ońtústik-shyǵystan soǵatyn jel soltústik-batysqa aýysady, oblystyń batysynda jyldamdyǵy 15-20 m/s jetedi.
Aqtaý erteń ońtústik-shyǵystan soǵatyn jel soltústik-batysqa aýysady, keshke qarai ekpini 15-18 m/s jetýi múmkin.
10 qarasha Batys Qazaqstan oblysynyń soltústiginde tuman túsýi múmkin. Jel soltústik-batystan, soltústikten soǵady, oblystyń soltústik-batysynda ekpini 15-20 m/s jetedi.
Erteń tańerteń jáne túnde Oralda tuman túsýi múmkin.
10 qarashada túnde Aqmola oblysynyń soltústik-batysynda ońtústik-batystan jel soǵady, jyldamdyǵy 15-20 m/s jetedi, kúndiz oblystyń basym bóliginde jeldiń jyldamdyǵy 15-20, ekpini 25 m/s.
Erteń Kókshetaýda ońtústik-batystan jel soǵady, ekpini 15 m/s jetedi.
