Bes oblysta respýblikalyq mańyzy bar 11 jolda kólik qozǵalysy shekteldi

Foto: Zakon.kz

15 sáýir saǵat 09:00–degi jaǵdai boiynsha halyqaralyq jáne respýblikalyq mańyzy bar avtomobil joldarynda kúnniń jylynýy men qardyń erýine bailanysty 3 oblysta jalpy uzyndyǵy 5280 metr 9 ýchaskede erigen sýdyń jol jieginen shyǵyp ketý oqiǵalary tirkelgen (Aqmola, Qostanai, Soltústik Qazaqstan oblysy), — dep habarlaidy «Ult aqparat» «QazAvtoJolǵa» silteme jasap.

"Elimizdiń 5 oblysynda (Aqtóbe, Aqmola, Atyraý, Qostanai, Soltústik Qazaqstan oblysy) uzyndyǵy 421 shaqyrymdy quraityn respýblikalyq mańyzy bar 11 jolda kólik qozǵalysy shekteldi", — delingen málimette.

Qazirgi ýaqytta respýblikalyq joldarda 417 birlik tehnika men 523 adam jumys istep jatyr.