QR Ortalyq sailaý komissiiasynyń tóraǵasy Berik Imashev úi karantininde jatyr. Bul týraly búgin QR OSK tóraǵasynyń orynbasary Konstantin Petrov aitty, dep habarlaidy "Ult aqparat".
«Búgingi otyrysqa Ortalyq sailaý komisiiasynyń 6 múshesi qatysyp otyr. OSK tóraǵasy Berik Imashev koronavirýspen aýyrǵan adammen bailanysta bolýyna orai qatyspaidy», - dedi Konstantin Petrov.
Onyń atap ótýinshe, OSK tóraǵasy vaktsinanyń 2 komponentin de alǵan. PTR test te koronavirýs juqtyryp almaǵandyǵyn kórsetip otyr.
«Ózin jaqsy sezinedi. Koronavirýs infektsiiasynyń belgileri joq. Ol qashyqtan jumys istep jatyr. Biraq búgingi otyrystyń buqaralyq sipatyna jáne otyrysqa qoiylatyn shekteýlerge bailanysty qatysa almady», - dep túsindirdi ol.
Aita keteiik, Ortalyq sailaý komissiiasynyń otyrysynda aýyldyq deńgeidegi ákimderdi tikelei sailaýdy uiymdastyrý jáne ótkizý máseleleri talqylanyp jatyr.
