Belgiianyń Densaýlyq saqtaý agenttiginiń derekteri boiynsha, Flandriia qalasynyń 10 eresek turǵynynyń toǵyzy koronavirýsqa qarsy vaktsinany alǵan, dep habarlaidy "Ult aqparat".
«Qazirgi kezde vaktsinatsiia naýqany aiaqtalýǵa jaqyn. Kóptegen eresek adamdarǵa jaqyn kúnderi vaktsinanyń ekinshi komponenti salynady, jasóspirimder de jappai vaktsina alýda», - dep málimdedi Ria Vandenreit eldiń Densaýlyq saqtaý jónindegi agenttiginiń atynan.
- Biz qazirgi kezde negizgi úsh baǵyt boiynsha jumys istep jatyrmyz: 12-15 jastaǵy balalarǵa vaktsina salýdy jalǵastyramyz, birinshi doza salynbaǵan adamdar men vaktsinanyń ekinshi komponentiniń ýaqytyn jiberip alǵan azamattarmen jumys, dedi densaýlyq saqtaý organynyń tóraǵasy.
Osylaisha, Flandriia halqynyń eresek bóliginiń 90% vaktsinanyń birinshi dozasyn alǵan. Valloniiada bul kórsetkish – 79%. Al el astanasy Briýsselde halyqtyń 60%-y vaktsina saldyrtqan.
Belgiialyq mamandardyń oiynsha, Briýssel qalasyndaǵy vaktsinalaý kórsetkishin kóterý úshin etnikalyq qaýymdastyqtary aralaityn mobildi vaktsinalaý toptaryn qurý qajet. Atalmysh qaýymdastyqtardy COVID-19-dan qorǵaný boiynsha kampaniia álsiz qamtyǵan.
