Tanzaniiada belgisiz er adam Frantsiia elshiliginiń kúzetshileri men politsiia qyzmetkerlerine oq atty. Sonyń saldarynan tórt adam qaza taýyp, altaýy zardap shekti, dep habarlaidy QazAqparat France24 telearnasyna silteme jasap.
Politsiianyń málimetinshe, shabýyldaýshy birinshi diplomatiialyq ókildik ornalasqan aýdandaǵy qiylysta eki politseige oq atqan. Keiin qaza tapqan politseilerdiń vintovkasyn alyp, jol boiy oq jaýdyryp Frantsiia elshiligine barǵan.
Tanzaniia prezidenti Samiia Hasan Sýlýhý Twitter-de politsiia qylmyskerdiń kózin joiǵanyn habarlady.
«Men qaza tapqan úsh politsei men qaýipsizdik qyzmetiniń bir ofitseriniń otbasyna qaiǵyra kóńil aitamyn. Olar Dar-es-Salamdaǵy Salenda aýdanynda qarýly er adamnyń shabýyly kezinde mert boldy», - dep jazdy Tanzaniia prezidenti.
Qylmyskerdiń nelikten bul áreketke barǵany ázirge belgisiz.
